ប្រមុខរាជរដ្ឋាភិបាល៖ ព្រលានយន្តហោះថ្មីនេះ ជាចលនការធំមួយសម្រាប់ការរីកចម្រើននៃវិស័យសេដ្ឋកិច្ច និងបង្កើនចំណូលជូនដល់ពលរដ្ឋ

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា ព្រលានយន្តហារថ្មីនេះវានឹងផ្ដល់ផលទៅប៉ែកនិរតីប្រទេស ដែលសមិទ្ធផលនៅ ទីនេះវាជានិមិត្តរូបនៃការរីកចម្រើន ហើយព្រលានយន្តហោះថ្មីនេះវាជាចលនការធំមួយសម្រាប់ការរីកចម្រើននៃវិស័យសេដ្ឋកិច្ច និងបង្កើនចំណូលជូនដល់ប្រជាពលរដ្ឋ។

សម្តេចធិបតី ហ៊ុន ម៉ាណែត បានប្រសាសន៍បន្តថា ព្រលានយន្តនេះផ្ដល់ផលឱ្យបងប្អូនប្រជាពលរដ្ឋទទួលបាននូវចំណូល ផ្ដល់ផលឱ្យវិស្វកររបស់យើងអាចបង្កើននូវសមត្ថភាពក្នុងការបង្កើតសមិទ្ធិធំៗបានថែមទៀត បង្កលក្ខណៈឱ្យវិស័យឯកជនមានឱកាសការងារ និងចំណូលថែមទៀតនៅថ្ងៃអនាគតតាមរយៈការបើកប្រតិបត្តិការកាន់តែទូលំទូលាយ។

សម្តេចធិបតី នាយករដ្ឋមន្ត្រី មានប្រសាសន៍យ៉ាងដូច្នេះ ក្នុងឱកាសដែលសម្តេចអញ្ជើញជួបសំណេះសំណាល និងចុះត្រួតពិនិត្យវឌ្ឍនភាពនៃគម្រោង សាងសង់អាកាសយានដ្ឋានអន្តរជាតិតេជោលំដាប់ថ្នាក់ 4F ដំណាក់កាលទី១ នាព្រឹកថ្ងៃទី១២ ខែមីនា ឆ្នាំ២០២៤ ៕