គណៈមេធាវីកម្ពុជា រៀបចំបិទកម្មវិធី សិក្ខាសាលា ស្តីពី «តួនាទីមេធាវីក្នុងសំណុំរឿងក្ស័យធន»
ភ្នំពេញ៖ នាថ្ងៃព្រហស្បតិ៍ ៥កើត ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែមីនា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញជាអធិបតី និងថ្លែងសុន្ទរកថាបិទកម្មវិធី សិក្ខាសាលា ស្តីពី «តួនាទីមេធាវីក្នុងសំណុំរឿងក្ស័យធន» នៅទីស្នាក់ការគណៈមេធាវីនៃព្រះរាជាណាចក្រកម្ពុជា។
សិក្ខាសាលានេះក៏មានការអញ្ជើញចូលរួមជាវាគ្មិនកិត្តិយសពីលោកមេធាវី អ៊ុក រី សមាជិកគណៈមេធាវី និងជាអភិបាលបណ្តោះអាសន្នក្នុងសំណុំរឿងក្ស័យធន ព្រមទាំងសិក្ខាកាមចូលរួមដោយផ្ទាល់សរុបចំនួន ១៤១នាក់។
នៅក្នុងសិក្ខាសាលានេះ ឯកឧត្តមប្រធាន ក៏បានចាត់លោកមេធាវី សួង សុផល សមាជិកក្រុមប្រឹក្សាគណៈមេធាវីចូលរួមថែ្លងសុន្ទរកថាបើកកម្មវិធីសិក្ខាសាលា ផងដែរ។
ក្នុងឱកាសនេះ ឯកឧត្តមប្រធាន បានថ្លែងអំណរគុណវាគ្មិនកិត្តិយសដែលបានចែករំលែកចំណេះដឹង និងបទពិសោធន៍ដល់សិក្ខាកាម និងថ្លែងអំណរគុណចំពោះសិក្ខាកាមទាំងអស់ដែលបានយកចិត្តទុកដាក់ ត្រងត្រាប់ស្តាប់ និងកត់ត្រានូវចំណុចសំខាន់ៗដែលវាគ្មិនកិត្តិយសបានធ្វើបទបង្ហាញ និងសូមរួមគ្នាដើម្បីឧត្តមភាពនិងកិត្យានុភាពនៃវិជ្ជាជីវៈមេធាវី។
មុននឹងបញ្ចប់ ឯកឧត្តមប្រធាន ក៏បានប្រគល់លិខិតថ្លែងអំណរគុណជូនវាគ្មិនកិត្តិយស ផងដែរ ៕
