សម្ដេចតេជោ៖ តាំងពីបានសម្រាក ពីការងារជានាយករដ្ឋមន្ត្រី ខ្ញុំមានពេលច្រើនដើម្បីសម្រាក និងហាត់ប្រាណ

ភ្នំពេញ៖ សម្ដេចតេជោ ហ៊ុន សែន​ ប្រធានក្រុមឧត្ដមប្រឹក្សាផ្ទាល់ព្រះមហាក្សត្រ និងជាប្រធានគណបក្សប្រជាជនកម្ពុជា បានលើកឡើងថា ចាប់តាំងពីបានសម្រាក ពីការងារជានាយករដ្ឋមន្ត្រី សម្ដេចមានពេលច្រើនដើម្បីសម្រាក និងហាត់ប្រាណ ទម្លាក់ទម្ងន់ពី ៩០គីឡូមករក្សាទុកត្រឺម៧៥គីឡូ ដែសម្រួលដល់សុខភាព
បានយ៉ាងច្រើន ។

តាមរយៈបណ្ដាញសង្គមហ្វេសប៊ុកនាថ្ងៃទី២០ មីនានេះ សម្ដេចតេជោ ហ៊ុន សែន បានសរសេរសាររៀបរាប់ថា «ខានត្រូវកំដៅថ្ងៃយូរណាស់មកហើយ (30/12/2023.20/3/2024) ថ្ងៃនេះឆ្លៀតពេលដើរជុំវិញផ្ទះដោយវាយកូនគោលផង មើលដំណាំនិងដើមឈើដែលដាំជុំវិញផ្ទះផង មើលពិព័រណ៍នៃបណ្តាអង្គភាព ចំណុះបញ្ជាការដ្ឋានអង្គរក្សផង និងចុងក្រោយមើលការ ជួសជុលតារាងវាយកូនគោល (នាគរាជ្យក្លឹប) ដែលកំពុងសាងសង់ឡើងវិញផង» ។

សម្ដេចតេជោ បញ្ជាក់ថា «ចាប់តាំងពីបានសម្រាក ពីការងារជានាយករដ្ឋមន្ត្រី ខ្ញុំមានពេលច្រើនដើម្បីសម្រាកនិងហាត់ប្រាណ ដែលទម្លាក់ទម្ងន់ពី៩០គីឡូ មករក្សាទុកត្រឺម៧៥គីឡូ ដែសម្រួលដល់សុខភាពខ្ញុំបានយ៉ាងច្រើន» ៕