សម្ពោធឆ្លងកុដិ និងសមិទ្ធផលនានា នៅក្នុងវត្តសទ្ធារស្សីខន្តិយារាម (ផ្សារស្នួល) ស្ថិតក្នុងស្រុកស្នួល ខេត្តក្រចេះ

ភ្នំពេញ៖ នៅព្រឹកថ្ងៃទី៣០ ខែមីនា ឆ្នាំ២០២៤ ឯកឧត្តម លី ផល្លា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្នួល តំណាងឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ និងឯកឧត្តម គង់ គឹមនី អភិបាលរងខេត្ត អញ្ជើញជាអធិបតីក្នុងពិធីសម្ពោធឆ្លងកុដិ និងសមិទ្ធផលនានា នៅក្នុងវត្តសទ្ធារស្សីខន្តិយារាម (ផ្សារស្នួល) ស្ថិតក្នុងឃុំស្នួល ស្រុកស្នួល ខេត្តក្រចេះ ។

សូមបញ្ជាក់ថា សមិទ្ធផលក្នុងវត្តសទ្ធារង្សីខត្តិយារាម ដែលកំពុងធ្វើពិធីសម្ពោធឆ្លងនាពេលនេះ មានដូចជា៖- កុដិព្រះសង្ឃ១ខ្នង កម្ពស់៣ជាន់ -ផ្លូវបេតុង១ខ្សែចូលវត្ត -ចាក់សាបក្នុងវត្ត -សាលាបុណ្យ១ខ្នង -កសាងព្រះចេតិយប្រគេនព្រះគ្រូអនុគណស្រុក -ទិញដីបើកផ្លូវឱ្យប្រជាពលរដ្ឋងាយស្រួលធ្វើដំណើរ សរុបថវិកាចំណាយលើការសាងសង់ទាំងអស់ មានចំនួន ៤១១,០០០ដុល្លា៕