ក្មេងប្រុសម្នាក់ក្នុងចំណោមក្មេងប្រុស៣នាក់ ទៅលេងទឹកប្រឡាយលង់ស្លាប់

បន្ទាយមានជ័យ៖ ក្មេងប្រុសម្នាក់ ក្នុងចំណោម៣នាក់ទៅលេងទឹកប្រឡាយលង់ស្លាប់បង្កការភ្ញាក់ផ្អើលនៅវេលាម៉ោង២និង៤០នាទីរសៀលថ្ងៃទី២ ខែមីនា ឆ្នាំ២០២៣ នៅភូមិប្រីយ៍ ឃុំទ្រាស ស្រុកស្វាយចេក ខេត្តបន្ទាយមានជ័យ។

លោកវរសេនីយ៍ឯក ជា ស្លូញ អធិការនគរបាលស្រុកស្វាយចេកបានឲ្យដឹងថា៖ក្មេងគ្រោះឈ្មោះ យុត ស៊ីមិន អាយុ៦ឆ្នាំ នៅភូមិប្រីយ៍ ឃុំទ្រាស ស្រុកស្វាយចេក ខេត្តបន្ទាយមានជ័យ។ នៅមុនពេលកើតហេតុ កុមារាម្នាក់ឈ្មោះ យុត ស៊ីមិន អាយុ ០៧ឆ្នាំរស់នៅភូមិប្រីយ៍ ឃុំទ្រាស ស្រុកស្វាយចេកបាននាំមិត្តភក្តិចំនួន០៣នាក់ទៅលេងទឹកនៅចំណុចប្រឡាយខាងជើងវត្តស្រះចែង ស្ថិតក្នុងភូមិប្រីយ៍ ពេលនោះក្មេងរងគ្រោះ ឈ្មោះ យុត ស៊ីមិន បានចុះចំកន្លែងជ្រៅ បណ្តាលលង់ ។

ក្រោយពេលក្មេងរងគ្រោះលង់ទឹកមិត្តភក្រ្តទៅជាមួយបាននាំគ្នារត់មកប្រាប់ឪពុកម្តាយទៅជួយ ពេលទៅដល់ឧពុកម្តាយនិងសាច់ញាតិបាននាំគ្នាចុះរាវស្រង់ពីទឹកហើយយកទៅមន្ទីរពេទ្យបង្អែកស្រុកស្វាយចេក ពេលដឹកដល់មន្ទីរពេទ្យក្មេងរងគ្រោះបានស្លាប់៕