ហ្វាំងឡង់ និងអ៊ុយក្រែន ចុះហត្ថលេខាលើកិច្ចព្រមព្រៀងសន្តិសុខរយៈពេលវែង

បរទេស៖ ប្រធានាធិបតីអ៊ុយក្រែន លោក Volodymyr Zelensky និងសមភាគីហ្វាំងឡង់ លោក Alexander Stubb បានចុះហត្ថលេខាលើកិច្ចព្រមព្រៀងសន្តិសុខរយៈពេល១០ឆ្នាំនៅក្នុងទីក្រុង Kyiv។

នៅក្នុងសេចក្តីថ្លែងការណ៍មួយនៅលើ X លោក Zelensky បានហៅការចុះហត្ថលេខាលើកិច្ចព្រមព្រៀងនេះថាជា ការឯកសារដ៏រឹងមាំដែលបង្ហាញពីការត្រៀមខ្លួនរបស់ហ្វាំងឡង់ក្នុងការបន្តគាំទ្រអ៊ុយក្រែនក្នុងការប្រយុទ្ធប្រឆាំងនឹងការឈ្លានពានរបស់រុស្ស៊ី។

ប្រទេសទាំងពីរក៏បានសម្តែងនូវបំណងចង់ពង្រឹងកិច្ចសហប្រតិបត្តិការលើវិស័យនយោបាយ ហិរញ្ញវត្ថុ និងវិស័យមនុស្សធម៌ផងដែរ។

ហ្វាំងឡង់បានយល់ព្រមចូលរួមក្នុងការកសាងឡើងវិញនូវវិស័យថាមពលរបស់អ៊ុយក្រែន និងវាយតម្លៃការខូចខាតបរិស្ថានដែលជាលទ្ធផលនៃការឈ្លានពានរបស់រុស្ស៊ី។

កញ្ចប់ជំនួយផ្នែកការពារជាតិដែលផ្តល់ដល់អ៊ុយក្រែនមានតម្លៃ ១៨៨លានអឺរ៉ូ ដែលនាំមកនូវជំនួយផ្នែកយោធាសរុបដែលផ្តល់ដល់ទីក្រុង Kyiv ដោយហ្វាំងឡង់ ដល់ប្រហែល ២ពាន់លានអឺរ៉ូ។

នៅក្នុងការអត្ថាធិប្បាយខ្លីមួយបន្ទាប់ពីកិច្ចប្រជុំនោះ លោក Zelenskyy បានប្រកាសថាគាត់បានបន្ទាបអាយុទាហានពី ២៧ ទៅ ២៥ឆ្នាំក្នុងកិច្ចខិតខំប្រឹងប្រែងដើម្បីបំពេញបន្ថែមជួរដែលបាត់បង់បន្ទាប់ពីសង្គ្រាមជាង២ឆ្នាំ។