អំណោយឧបត្ថម្ភដ៏ថ្លៃថ្លា សម្តេចធិបតី ហ៊ុន ម៉ាណែត និងលោកជំទាវបណ្ឌិត ត្រូវបានផ្តល់ជូនសាលាពលទាហាន យោធភូមិភាគពិសេស
ភ្នំពេញ៖ ឯកឧត្តម ឧត្តមសេនីយ៍ត្រី ហ៊ូ ចាន់ដារ៉ា នាយកសាលាពលទាហាន យោធភូមិភាគពិសេស នាថ្ងៃទី៥ ខែមេសា ឆ្នាំ២០២៤បាទទទួលអំណោយឧបត្ថម្ភដ៏ថ្លៃថ្លាសម្រាប់ខែមេសា ឆ្នាំ២០២៤ របស់សម្តេចមហាបវរធិបតី ហ៊ុន ម៉ាណែត និងលោកជំទាវ រួមមាន៖ ថវិកាសម្រាប់ទ្រទ្រង់សាលា យោធាចារ្យ និងគ.គ្រប់គ្រង សរុបចំនួន ៨,៧៥០,០០០រៀល អង្ករយោធាចារ្យចំនួន ០៣តោន ប្រេងសាំងចំនួន ១,៥០០លីត្រ និងប្រេងម៉ាស៊ូតចំនួន ១,៥០០លីត្រ សម្រាប់ត្រីមាសទី២ ឆ្នាំ២០២៤ ។
ឯកឧត្តម ឧត្តមសេនីយ៍ត្រី ហ៊ូ ចាន់ដារ៉ា នាយកសាលា រួមទាំងយោធាចារ្យ គ.គ្រប់គ្រង បុគ្គលិកទាំងអស់ មានសេចក្តីរីករាយជាខ្លាំង ហើយប្តេជ្ញាអនុវត្តភារកិច្ចឲ្យបានល្អ ព្រមទាំងបានថ្លែងអំណរគុណយ៉ាងជ្រាលជ្រៅ និងគោរពជូនពរ ជូនចំពោះសម្តេចមហាបវរធិបតី និងលោកជំទាវ ព្រមទាំងបុត្រាបុត្រី ឱ្យជួបប្រទះតែនឹងពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លាងឃ្លាតឡើយ។
