រដ្ឋបាលខេត្តក្រចេះ ច្រានចោលលើគណនីហ្វេសប៊ុកឈ្មោះ Sok Oun បានបង្ហោះសារវីដេអូ “ក្រចេះ ខេត្តខ្ញុំមានទិដ្ឋភាពបែបនេះ ចុះខេត្តអ្នកវិញ”
ភ្នំពេញ៖ រដ្ឋបាលខេត្តក្រចេះ បានសេចក្តីប្រកាសព័ត៌មាន សូមច្រានចោលលើគណនីហ្វេសប៊ុកឈ្មោះ Sok Oun បានបង្ហោះសារវីដេអូ “ក្រចេះ ខេត្តខ្ញុំមានទិដ្ឋភាពបែបនេះ ចុះខេត្តអ្នកវិញ”។ ដែលការបង្ហោះនេះ គឺមិនមានមូលដ្ឋានច្បាស់លាស់ និងយកមកបង្ហោះផ្សព្វផ្សាយក្នុងបណ្តាញទំនាក់ទំនងសង្គម ធ្វើឱ្យមានការយល់ច្រឡំដល់សាធារណជន ក៏ដូចជាបង ប្អូនប្រជាពលរដ្ឋ មកលើការខិតខំប្រឹងប្រែងរបស់អាជ្ញាធរខេត្ត។
សូមបញ្ជាក់ថា៖ រដ្ឋបាលខេត្តក្រចេះ បានសហការជាមួយរដ្ឋបាលក្រុងក្រចេះ កំពុងរៀបចំសម្អាត តុបតែង និងបំពាក់អំពូលភ្លើងពណ៌តាមដងផ្លូវសាធារណៈ ក៏ដូចជាទីតាំងសំខាន់ៗក្នុងទីរួមខេត្ត ពិសេសការរៀបចំពិធីសង្រ្កានឆ្នាំថ្មីនៅតាមសាលារៀន និងទីវត្តអារាម មានរហូតដល់ចំនួន ៧០ទីតាំង ព្រមទាំងបានណែនាំដល់មន្ទីរ-អង្គភាពជុំវិញរដ្ឋបាលខេត្ត រដ្ឋបាលក្រុង ស្រុក ឃុំ សង្កាត់ និងអ្នកពាក់ព័ន្ធទាំងអស់រៀបចំតុបតែង ចងទង់ជាតិ ទង់ជ្វាលា ព្រមទាំងធ្វើបដាពាក្យស្លោកបំពាក់នៅមុខ មន្ទីរ-អង្គភាព សម្រាប់អបអរសារទរក្នុងឱកាសបុណ្យចូលឆ្នាំថ្មីនេះ ៕
