សម្តេចធិបតី៖ រាល់ការវិនិយោគ ការទាក់ទាញការវិនិយោគ និងការបណ្ដុះបណ្ដាលផ្សេងៗ ត្រូវផ្សារភ្ជាប់គ្នាពីការផ្ទេរជំនាញ
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងថា រាល់ការវិនិយោគ ការទាក់ទាញការវិនិយោគ និងការបណ្ដុះបណ្ដាលផ្សេងៗ ត្រូវផ្សារភ្ជាប់គ្នាពីការផ្ទេរជំនាញ។
ក្នុងពិធីអញ្ជើញសម្ពោធកសិដ្ឋានចិញ្ចឹមគោយកទឹកដោះ «គិរីសួគ៌» ស្ថិតនៅភូមិឱភាសាំង ឃុំកណ្តឹង ស្រុកបាទី ខេត្តតាកែវ នាព្រឹកថ្ងៃទី១១ ខែមេសា ឆ្នាំ២០២៤ សម្តេចធិបតី ហ៊ុន ម៉ាណែត បានបន្ថែមទៀតថា ជាក់ស្ដែង កសិដ្ឋានចិញ្ចឹមគោយកទឹកដោះគិរីសួគ៌ ដែលនៅពេលបើកក្រុមហ៊ុនដំបូងឡើយ ត្រូវការអ្នកបច្ចេកទេសបរទេសមកពីខាងក្រៅជាច្រើននាក់ ប៉ុន្តែពេលនេះកសិដ្ឋានចិញ្ចឹមគោយកទឹកដោះមួយនេះ សល់តែអ្នកបច្ចេកទេសបរទេសតែពីររូបប៉ុណ្ណោះ ហើយក្រៅពីនេះគឺជាកូនខ្មែរ ៕
