ហ្វីលីពីន សម្លឹងមើលកិច្ចព្រមព្រៀងវិនិយោគ ១០០ពាន់លានដុល្លារពីកិច្ចប្រជុំកំពូលជាមួយអាមេរិក និងជប៉ុន

ម៉ានីល៖ ការិយាល័យប្រធានាធិបតីបានឲ្យដឹងនៅក្នុងសេចក្តីថ្លែងការណ៍មួយដោយដកស្រង់សម្តីឯកអគ្គរដ្ឋទូតរបស់ខ្លួនប្រចាំទីក្រុងវ៉ាស៊ីនតោនថា ហ្វីលីពីនកំពុងសម្លឹងមើលកិច្ចព្រមព្រៀងវិនិយោគប្រមាណ ១០០ពាន់លានដុល្លារក្នុងរយៈពេល ៥ ទៅ ១០ ឆ្នាំខាងមុខ ពីកិច្ចប្រជុំកំពូលត្រីភាគីរបស់ប្រទេសជាមួយសហរដ្ឋអាមេរិក និងជប៉ុន។

ការិយាល័យទំនាក់ទំនងប្រធានាធិបតី (PCO) បានបញ្ជាក់ដោយដកស្រង់សម្តីឯកអគ្គរដ្ឋទូតហ្វីលីពីនប្រចាំនៅសហរដ្ឋអាមេរិក លោក Jose Manual Romualdez បានឲ្យដឹងថា ការវិនិយោគនេះនឹងគ្របដណ្តប់លើវិស័យផ្សេងៗគ្នា រួមទាំងថាមពល និងហេដ្ឋារចនាសម្ព័ន្ធឌីជីថល។

PCO បានបញ្ជាក់ដោយដកស្រង់សម្តីលោក Romualdez ថា យើងកំពុងនិយាយអំពីការវិនិយោគមួយរយពាន់លានក្នុងរយៈពេលប្រាំទៅដប់ឆ្នាំខាងមុខ។

ប្រធានាធិបតីហ្វីលីពីន លោក Ferdinand Marcos Jr កំពុងនៅទីក្រុងវ៉ាស៊ីនតោន ដើម្បីជួបប្រជុំត្រីភាគីជាលើកដំបូងជាមួយសមភាគីអាមេរិក និងជប៉ុន។