ឯកឧត្តម សោម ពិសិដ្ឋ ចុះសួរសុខទុក្ខ នាយទាហាន នាយទាហានរង ពលទាហានក្នុងឱកាសបុណ្យឆ្នាំថ្មី នៅទីបញ្ជាការតំបន់ប្រតិបត្តិការសឹករងកែប

ភ្នំពេញ៖ នាថ្ងៃទី១២ ខែមេសា ឆ្នាំ២០២៤ នៅទីបញ្ជាការតំបន់ប្រតិបត្តិការសឹករងកែបបានទទួលស្វាគមន៍ការអញ្ជើញសួរសុខទុក្ខ សំណេះសំណាលរបស់អភិបាលខេត្តក្នុងរដូវបុណ្យឆ្នាំថ្មីឆ្នាំរោង ឆស័កពុទ្ធសករាជ២៥៦៨
ឧត្តមសេនីយ៍ទោ ឈឹម ខ្មៅ មេបញ្ជាការតំបន់ប្រតិបត្តិការសឹករងកែប បានរាយការណ៍ជូនឯកឧត្តម បណ្ឌិត សោម ពិសិដ្ឋ អំពីសមិទ្ធផលដែលបញ្ជាការដ្ឋានតំបន់ប្រតិបត្តិការសឹករងកែបធ្វើបាន និងមានការសូត្រមន្តរាប់បាត្រ បង្សុកូល ឧទ្ទិសកុសលផលបុណ្យ ជូនដល់វិញ្ញាណក្ខន្ធកម្មាភិបាលយុទ្ធជន យុទ្ធនារី ដែលបានពលីជីវិតក្នុងសម័យសង្គ្រាម ដើម្បីបុព្វហេតុជាតិនិងប្រជាជនកម្ពុជា ។

ឯកឧត្តម បណ្ឌិត សោម ពិសិដ្ឋ បានថ្លែងនូវការកោតសរសើរដល់ថ្នាក់ដឹកនាំនាយទាហាននាយទាហានរង និងពលទាហាន នៃបញ្ជាការដ្ឋានតំបន់ប្រតិបត្តិការសឹករងកែប ដែលបានខិតខំប្រឹងប្រែងបំពេញភារកិច្ច និងសហប្រតិបត្តិការការពារសន្តិសុខសណ្ដាប់ធ្នាប់សង្គម និងការចូលរួមអនុវត្តនគោលនយោបាយភូមិ.ឃុំមានសុវត្ថិភាព និងភារកិច្ចមួយចំនួនទៀតដែលថ្នាក់លើបានប្រគល់ជូនកន្លងមកទទួលបានលទ្ធផលល្អ និង បានណែនាំដល់នាយទាហាន នាយទាហានរង និងពលទាហានទាំងអស់ ត្រូវចូលរួមអនុវត្តឱ្យបានជោគជ័យនូវគោលនយោបាយយុទ្ធសាស្ត្របច្ចកោណរបស់រាជរដ្ឋាភិបាល ដែលដឹកនាំដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ហើយនឹងបានជូនពរក្នុងឱកាសឆ្នាំថ្មី ឆ្នាំរោង ឆស័ក ពុទ្ធសករាជ២៥៦៨នេះ សូមឱ្យនាយទាហាន នាយទាហានរង និងពលទាហានទាំងអស់ ព្រមទាំងក្រុមគ្រួសារ មានសុខភាពល្អ មានសុភមង្គល ៕