NEA សហការជាមួយវិទ្យាស្ថានពហុបច្ចេកទេសព្រះកុសុមៈ បានរៀបចំសិក្ខាសាលាស្តីពី ការត្រៀមលក្ខណៈសម្បត្តិក្នុងការស្វែងរកការងារ

ភ្នំពេញ៖ នាព្រឹកថ្ងៃទី១៩ ខែមេសា ឆ្នាំ២០២៤ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយវិទ្យាស្ថានពហុបច្ចេកទេសព្រះកុសុមៈ បានរៀបចំសិក្ខាសាលាស្តីពី៖ “ការត្រៀមលក្ខណៈសម្បត្តិក្នុងការស្វែងរកការងារ” ជូនដល់សិក្ខាកាមដែលត្រៀមបញ្ចប់វគ្គបណ្តុះបណ្តលរយៈពេល៤ខែ ក្នុង “កម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងគ្រួសារងាយរងហានិភ័យ” នៅវិទ្យាស្ថានពហុបច្ចេកទេសព្រះកុសុមៈ រាជធានីភ្នំពេញ។

សិក្ខាសាលានេះ ត្រូវបានរៀបចំឡើងដើម្បីផ្តល់នូវចំណុចគន្លឹះសំខាន់ៗ ដល់សិក្ខាកាមក្នុងការត្រៀមខ្លួនចូលទីផ្សារការងារប្រកបដោយប្រសិទ្ធភាព ដើម្បីឲ្យពួកគាត់អាចទទួលបានការងារកាន់តែឆាប់រហ័ស។

NEA នឹងបន្តរៀបចំសិក្ខាសាលាដូចនេះ ដល់សិក្ខាកាមនៅតាមគ្រឹះស្ថានបណ្តុះបណ្តាលទូទាំងរាជធានី-ខេត្ត ព្រមទាំងផ្តល់សេវាផ្គូផ្គង និង ស្វែងរកការងារជូនដល់សិក្ខាកាមផងដែរ៕