ខុទ្ទកាល័យសម្តេចធិបតី បង្ហាញលទ្ធផលជំនួបរវាងសម្តេចធិបតី ហ៊ុន ម៉ាណែត និងឯកឧត្ដម ថងលុន ស៊ីសុលីត ប្រធានរដ្ឋឡាវ
ភ្នំពេញ៖ ក្នុងពេលដំណើរទស្សនកិច្ចផ្លូវរដ្ឋនៅកម្ពុជា នៅរសៀលថ្ងៃទី២៣ ខែមេសា ឆ្នាំ២០២៤នេះ ឯកឧត្ដម ថងលុន ស៊ីសុលីត ប្រធានរដ្ឋឡាវ បានជួបសម្តែងការគួរសម និងពិភាក្សាការងារជាមួយសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។
ភាគីទាំងពីរ បានពិភាក្សាផ្តោតសំខាន់លើការពង្រឹងទំនាក់ទំនង និងកិច្ចសហប្រតិបត្តិការក្នុងមានជាមិត្តល្អ ដោយប្រកាសរក្សាចំណងមេត្រីភាពដោយឥតងាករេទោះមានរឿងអ្វីកើតឡើងក្នុងតំបន់ ឬពិភពលោកក៏ដោយ។
ភាគីទាំងពីរក៏បានជជែកលើថាមពលអគ្គិសនី និងបញ្ហាព្រំដែនផងដែរ។
