សម្តេចមហាបវរធិបតី៖ ការសម្តែងក្បាច់គុណសៅលីង និងល្បុកតោ នៅខេត្តសៀមរាប ជាការបង្ហាញវប្បធម៌ទៅកាន់ពិភពលោក

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងថា ការសម្តែងក្បាច់គុណសៅលីង និងល្បុកតោ នៅខេត្តសៀមរាប ជាការបង្ហាញវប្បធម៌ទៅកាន់ពិភពលោក ។

ក្នុងឱកាសអញ្ជើញពិសាអាហារសាមគ្គី និងបំពាក់គ្រឿងឥស្សរិយយសជូនលោកគ្រូ អ្នកគ្រូ សិល្បករ សិល្បការិនី នារសៀលថ្ងៃទី២៥ ខែមេសា ឆ្នាំ២០២៤នេះ នៅមជ្ឈមណ្ឌលសន្និបាត និងពិពរណ៍កោះពេជ្រ សម្តេចធិបតី ហ៊ុន ម៉ាណែត បានមានប្រសាសន៍ថា ការរីកសាយភាពវប្បធម៌សិល្បៈបរទេស នឹងធ្វើឱ្យយុវជនពីមួយជំនាន់ទៅមួយជំនាន់យល់ច្រឡំ បើខ្វះការយល់ដឹង។

សម្តេចធិបតី ហ៊ុន ម៉ាណែត ក៏បានលើកជាឧទាហរណ៍ថា ថ្ងៃក្តីស្រឡាញ់ ១៤កុម្ភៈ មានយុវជនខ្មែរមួយចំនួន យល់មិនទាន់ច្បាស់នៅឡើយ ។

សម្តេចធិបតី លើកឡើងថា សាកលភាវូបនីយកម្មផ្នែកសិល្បៈ អាចនឹងធ្វើឱ្យយុវជនខ្មែរមានភាពស្រពិចស្រពិលចំពោះវប្បធម៌បរទេស និងវប្បធម៌របស់ខ្លួន ៕