វរសេនាតូចស៊ើបការណ៍ ត្រៀមកម្លាំង រថយន្ត ធុងទឹក និងសម្ភារជាច្រើនទៀតរួចជាស្រេច ដើម្បីត្រៀមអន្តរាគមន៍ ជួយដល់ពលរដ្ឋខ្វះខាតទឹកស្អាតប្រើប្រាស់
ភ្នំពេញ៖ នាថ្ងៃទី២ ខែឧសភា ឆ្នាំ២០២៤ បន្ទាប់ពីមានបទបញ្ជារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ឲ្យកងកម្លាំងប្រដាប់អាវុធទាំងអស់ត្រៀមអន្តរាគមន៍ជួយប្រជាពលរដ្ឋ ដោះស្រាយបញ្ហាកង្វះទឹកស្អាតប្រើប្រាស់ប្រចាំថ្ងៃ ក្នុងពេលអាកាសធាតុក្តៅខ្លាំងនៅរដូវប្រាំង លោកវរសេនីយ៍ទោ ស វិបុល មេបញ្ជាការ វរ សេនា តូច ស៊ើបការណ៍ បានត្រៀមរថយន្តនិង ធុងទឹក សម្រាប់ជួយអន្តរាគមន៍ ជូន ប្រជា ពលរដ្ឋ ដែលមានការខ្វះខាតទឹកប្រើប្រាស់ក្នុងរដូវប្រាំង ដែលកំពុងឡើងកំដៅជាខ្លាំង។
លោកមេបញ្ជាការ វរសេនាតូច ស៊ើបការណ៍ បានបញ្ជាក់ផងដែរថា រយៈកាលកន្លងមកនេះ កម្លាំងរបស់ វរសេនាតូច ស៊ើបការណ៍ ក៏តែងតែបានចុះជួយអន្តរាគមន៍ជួយប្រជា ពលរដ្ឋ ដែលជួបគ្រោះមហន្តរាយផ្សេងៗ តាមការជាក់ស្តែង និងតាមបទបញ្ជារបស់ ថ្នាក់ដឹកនាំយោធភូមិភាគទី៥៕
