សម្ដេចធិបតី៖ រដ្ឋចង់បានវិស័យឯកជនចូលរួមជាដៃគូរ ជួយគិត ជួយធ្វើ ជួយទទួលខុសត្រូវ
ភ្នំពេញ៖ ក្នុងពិធីសម្ពោធជាផ្លូវការ សមាគមសហព័ន្ធអ្នកវិនិយោគកម្ពុជា នៅរសៀលថ្ងៃទី៩ ខែឧសភា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា រដ្ឋចង់បានវិស័យឯកជនចូលរួមជាដៃគូរ ជួយគិត ជួយធ្វើ ជួយទទួលខុសត្រូវ។
សម្តេចធិបតី ហ៊ុន ម៉ាណែត បានប្រសាសន៍ថា ការចង់បានរបស់ខ្ញ៉ំ គឺទាំងរដ្ឋ និងឯកជនត្រូវរួមគ្នា បង្កើតបរិយាកាសវិនិយោគល្អដើម្បីទាក់ទាញវិនិយោគិនមកកាន់កម្ពុជាបន្ថែមទៀត។
សម្តេចធិបតី បានបន្តថា វិស័យឯកជន មិនត្រឹមតែជួយលើកសំណើរទេ តែជួយក្នុងការអនុវត្ត ជាជាងរដ្ឋដើរតួរជាឆ្មា វិស័យឯកជនជាកណ្តុរ ត្រូវដើរតួរជាឆ្មាទាំងអស់គ្នាជួយចាប់កណ្តុរ កណ្តុរនោះគឺបរិស្ថានធុរកិច្ច ប្រកបដោយភាពទាក់ទាញ និងប្រកួតប្រជែងនៅកម្ពុជា
សម្តេចធិបតី នាយករដ្ឋមន្ត្រី បានថ្លែងលើកទឹកចិត្តឲ្យវិស័យឯកជនជួយដល់រាជរដ្ឋាភិបាលកម្ពុជាក្នុងការទាក់ទាញវិនិយោគិនបរទេស ចូលមកបណ្តាក់ទុននៅកម្ពុជា។ សម្តេចធិបតី ក៏បានលើកទឹកចិត្តឲ្យសមាគមអ្នកវិនិយោគ វិស័យឯកជននៅកម្ពុជា ធ្វើសកម្មភាពឲ្តកាន់តែសកម្ម ដោយរដ្ឋនឹងជួយគាំទ្រពីក្រោយ ៕
