ថ្នាក់ដឹកនាំក្លិបអ្នកកាសែតកម្ពុជា ចេញទៅទស្សនកិច្ចនៅប្រទេសវៀតណាម ដើម្បីពង្រឹងបណ្ដាញសារព័ត៌មានក្នុងតំបន់

ភ្នំពេញ៖ តបតាមការអញ្ជើញរបស់សមាគមអ្នកកាសែតវៀតណាម (Vietnam Journalists Association – VJA) ថ្នាក់ដឹកនាំក្លិបអ្នកកាសែតកម្ពុជា (Club of Cambodian Journalists – CCJ) បានចេញដំណើរទស្សនកិច្ចទៅកាន់ប្រទេសវៀតណាមចាប់ពីថ្ងៃទី១៣-១៧ ខែឧសភា ឆ្នាំ២០២៤។

ក្លិបអ្នកកាសែតកម្ពុជាដឹកនាំដោយ លោក ពុយ គា ប្រធានក្លិបអ្នកកាសែតកម្ពុជា, លោកស្រី ថុង សុវណ្ណរង្សីយ៍ អគ្គលេខាធិការ, លោក សៅ ភិរុណ, លោក ខៀវ កូឡា និងលោក លាង ដឺលុច ដែលជាសមាជិកគណៈកម្មាធិការនាយកនៃក្លិបអ្នកកាសែតកម្ពុជា សុទ្ធតែជាម្ចាស់ ជាក្បាលម៉ាស៊ីនដឹកនាំស្ថាប័នព័ត៌មាន និងជាផលិតករព័ត៌មានជាន់ខ្ពស់ផងដែរ៕