សម្តេចធិបតី និងលោកជំទាវបណ្ឌិត ឧបត្ថម្ភការព្យាបាលជំងឺមហារីកបេះដូងធ្ងន់ធ្ងរ ដល់លោកសាស្ត្រាចារ្យ សាកលវិទ្យាល័យភូមិន្ទកសិកម្ម និងផ្តល់អាហារូបរណ៍ដល់កូនស្រីទាំងពីររបស់លោក
ភ្នំពេញ៖ នាព្រឹកថ្ងៃទី១៤ ខែឧសភា ឆ្នាំ២០២៤ លោកជំទាវបណ្ឌិត ពេជ ចន្ទមុន្នី បានជួប និងផ្តល់ថវិកាមួយចំនួនដល់ប្អូនស្រី លី វ៉ុនថាត ជាភរិយារបស់ លោកបណ្ឌិត នុត ណារ៉េត សាស្ត្រាចារ្យ នៃសាកលវិទ្យាល័យភូមិន្ទកសិកម្ម ដែលមានជំងឺមហារីកបេះដូងធ្ងន់ធ្ងរ ហើយកំពុងព្យាបាលនៅក្រៅប្រទេស ដើម្បីជួយសម្រាលដល់បន្ទុករបស់គ្រួសារ ។
ទន្ទឹមនេះ សម្តេចធិបតីនាយករដ្ឋមន្រ្តី និងលោកជំទាវបណ្ឌិត ក៏បានផ្តល់អាហារូបរណ៍ដល់កូនស្រីទាំងពីរនាក់របស់ប្អូនស្រី ដើម្បីទទួលបាននូវការអប់រំ ចំណេះដឹង និងឱកាសនៃការសិក្សាតទៅមុខទៀត ៕
