ស្ថានភាពរបស់នាយករដ្ឋមន្ត្រីស្លូវ៉ាគីនៅតែធ្ងន់ធ្ងរ
បរទេស៖នាយករដ្ឋមន្ត្រីស្លូវ៉ាគីលោក Robert Fico នៅតែស្ថិតក្នុងស្ថានភាពធ្ងន់ធ្ងរបន្ទាប់ពីបានរួចផុតពីការប៉ុនប៉ងធ្វើឃាតនេះបើតាមលោក Robert Kalinak អនុប្រធានរបស់លោកបាននិយាយកាលពីថ្ងៃសៅរ៍។
Fico ត្រូវបានវាយប្រហារកាលពីថ្ងៃពុធនៅកណ្តាលទីក្រុង Handlova នៃប្រទេសស្លូវ៉ាគី។ នៅពេលដែលគាត់ចូលទៅជិតអ្នកទស្សនាមួយក្រុម មនុស្សម្នាក់បានដកកាំភ្លើងខ្លីមួយដើម ហើយបានបាញ់អ្នកនយោបាយជាច្រើនដងនៅនឹងកន្លែង។ Fico ត្រូវបានបញ្ជូនទៅកាន់មន្ទីរពេទ្យភ្លាមៗ ហើយជនដៃដល់ត្រូវបានឃាត់ខ្លួននៅនឹងកន្លែង។
Kalinak ដែលបម្រើការជារដ្ឋមន្ត្រីការពារជាតិផងដែរបាននិយាយទៅកាន់ប៉ុស្តិ៍ព័ត៌មាន TA៣ នៅខាងក្រៅមន្ទីរពេទ្យ Roosevelt ក្នុង Banska Bystrica ជាកន្លែងដែល Fico កំពុងត្រូវបានព្យាបាល។ គាត់នៅតែមានសុទិដ្ឋិនិយមដោយប្រុងប្រយ័ត្នចំពោះការងើបឡើងវិញរបស់នាយករដ្ឋមន្ត្រី។
លោក Kalinak បាននិយាយថា៖គាត់ស្ថិតក្នុងស្ថានភាពមានស្ថិរភាព ប៉ុន្តែការបាញ់ប្រហារចំនួនបួនគ្រាប់បានបណ្តាលឲ្យមានរបួសយ៉ាងធ្ងន់ធ្ងរ។
គាត់បានបន្ថែមថា Fico បានធ្វើការវះកាត់បន្ថែម ហើយវានៅតែអាចមានផលវិបាក។ “ក្នុងករណីណាក៏ដោយ ស្ថានភាពរបស់គាត់គឺធ្ងន់ធ្ងរណាស់។”
