មុខសញ្ញាឆក់យ៉ាងសកម្ម ក្នុងភូមិសាស្ដ្ររាជធានីភ្នំពេញ ត្រូវកម្លាំងនាយកដ្ឋាននគរបាលព្រហ្មទណ្ឌបង្ក្រាបបាន

ភ្នំពេញ៖ ដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ, លោកឧត្តមសេនីយ៍ត្រី វុទ្ធី វង្សវិបុល អនុប្រធាននាយកដ្ឋាន និងលោកវរសេនីយ៍ឯក ឡេង ប៊ុនហួរ នាយការិយាល័យព្រហ្មទណ្ឌកម្រិតស្រាល។

កម្លាំងការិយាល័យព្រហ្មទណ្ឌកម្រិតស្រាល ដឹកនាំប្រតិបត្តិការផ្ទាល់ដោយលោកវរសេនីយ៍ទោ មឿន ដារ៉ារិទ្ធិ នាយរងការិយាល័យ បានឃាត់ខ្លួនជនសង្ស័យ២នាក់ នៅវេលាម៉ោង៥៖១០នាទីល្ងាច ថ្ងៃទី២០ ខែឧសភា ឆ្នាំ២០២៤ ត្រង់ចំណុចបណ្តោយមហាវិថីម៉ៅសេងទុង មុខហាងកាហ្វេប្រោន(Brown) សង្កាត់ទន្លេបាសាក់ ខណ្ឌចំការមន ដែលជាមុខសញ្ញាឆក់សកម្មក្នុងភូមិសាស្ដ្ររាជធានីភ្នំពេញ។

ជនសង្ស័យទី១៖ឈ្មោះ ណារិទ្ធ រាជ ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះលេខ១៦៦ ក្រុម៧ សង្កាត់ទន្លេបាសាក់ ខណ្ឌចំការមន រាជធានីភ្នំពេញ និងទី២៖ឈ្មោះ ឃុន មូលីសុីន ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះ លេខ៦អាអឺ៣ ផ្លូវសុធារស់ សង្កាត់ជ័យជំនះ ខណ្ធដូនពេញ រាជធានីភ្នំពេញ។ បច្ចុប្បន្នជនសង្ស័យខាងលើ កំពុងធ្វេីការសាកសួរ និងកសាងសំណុំរឿង ចាត់ការបន្តតាមនីតិវិធី៕