សម្តេច សាយ ឈុំ និងលោកជំទាវ អញ្ជើញគោរពបូជាទៀនធូប ដល់ដួងវិញ្ញាណក្ខន្ធ សម្តេចធម្មពោធិសាល ជា សុីម និងលោកជំទាវ ញ៉ែម សឿន នៅប្រាង្គព្រះចេតិយ

ភ្នំពេញ៖ នៅថ្ងៃទី២៤ ខែឧសភា ឆ្នាំ២០២៤ សម្តេចវិបុលសេនាភក្តី សាយ ឈុំ ឧត្តមប្រឹក្សាផ្ទាល់ព្រះមហាក្រត្រ និងលោកជំទាវ ក្នុងឱកាសអញ្ជើញដំណើរទៅចូលរួម ចម្រើនជន្មាយុសម្តេចអគ្គមហាពញាចក្រី ហេង សំរិន បានឆ្លៀតអញ្ជើញចូលគោរព និងបូជាទៀនធូប ដល់ដួងវិញ្ញាណក្ខន្ធ សម្តេចធម្មពោធិសាល ជា សុីម និងលោកជំទាវ ញ៉ែម សឿន នៅប្រាង្គព្រះចេតិយ ដែលស្ថិតនៅ ភូមិក្របៅ ឃុំក្របៅ ស្រុកកំចាយមារ ខេត្តព្រៃវែង ដើម្បីឧទ្ទិសកុសល ជូនដួងវិញ្ញាណក្ខន្ធសម្តេចអគ្គមហាធម្មពោធិសាល ជា ស៉ីម និងលោកជំទាវ ញ៉ែម សឿន ព្រមទាំងញាតិកាលទាំងប្រាំពីរសណ្តាន ។