ប្រធាន គ.ជ.ប ចុះពិនិត្យមើលការរៀបចំការិយាល័យបោះឆ្នោត សម្រាប់ការបោះឆ្នោតជ្រើសរើសក្រុមប្រឹក្សារាជធានី-ខេត្ត ក្រុង ស្រុក ខណ្ឌ អាណត្តិទី៤ នៅវិទ្យាល័យ ហ៊ុន សែន កំពង់កន្ទួត និងវិទ្យាល័យ ហ៊ុន សែនស្អាង

ភ្នំពេញ៖ នាព្រឹកថ្ងៃទី ២៥ ខែឧសភា ឆ្នាំ ២០២៤ ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានអញ្ជើញចុះពិនិត្យមើលការរៀបចំការិយាល័យបោះឆ្នោត សម្រាប់ការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ អាណត្តិទី៤ ឆ្នាំ២០២៤ នៅការិយាល័យលេខ ០០០១ និងលេខ ០០១០ ដែលឋិតនៅវិទ្យាល័យ ហ៊ុន សែន កំពង់កន្ទួត ក្នុងស្រុកកណ្ដាលស្ទឹង និងវិទ្យាល័យ ហ៊ុន សែនស្អាង ក្នុងស្រុកស្អាង នៃខេត្តកណ្ដាល។

ការបោះឆ្នោតជ្រើសរើសក្រុមប្រឹក្សា នឹងប្រព្រឹត្តទៅ នៅថ្ងៃអាទិត្យទី ២៦ខែឧសភា ឆ្នាំ២០២៤ ជាការបោះឆ្នោតអសាកល អង្គបោះឆ្នោត គឺជាក្រុមប្រឹក្សាក្នុងតំណែង។

ការបោះឆ្នោត គឺជ្រើសរើសសមាជិកក្រុមប្រឹក្សារាជធានី- ខេត្ត ចំនួន ៥៥៦នាក់ នឹងជ្រើសរើសក្រុមប្រឹក្សាក្រុង ស្រុក ខណ្ឌ ចំនួន ៣.៦៤១នាក់។

គ.ជ.ប បានធ្វើការប្រកាសជាផ្លូវការហើយបញ្ជីអង្គបោះឆ្នោត គឺមានចំនួន ១១.៦២២នាក់។ គ.ជ.ប បានទទួលស្គាល់ គឺមានគណបក្សចំនួន ៥ ដែលនឹងធ្វើការឃោសនាប្រកួតប្រជែង ក្នុងនោះរួមមាន៖ គណបក្សប្រជាជនកម្ពុជា, គណបក្សឆន្ទៈខ្មែរ, គណបក្សកម្លាំងជាតិ, គណបក្សខ្មែររួបរួមជាតិ និងគណបក្សហ៊្វុនស៊ិនប៉ិច។

ក្រោមការឃ្លាំមើល និងសង្កេតការណ៍ពីភ្នាក់ងារគណបក្សនយោបាយ, អ្នកសង្កេតការណ៍ជាតិ និងភ្ញៀវពិសេស ព្រមទាំងប្រព័ន្ធផ្សព្វផ្សាយជាតិ និងអន្តរជាតិ ៕