ឧត្ដមសេនីយ៍ឯក សាយ ម៉េងឈាង បើកសិក្ខាសាលាផ្សព្វផ្សាយច្បាប់ ស្ដីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម នៅខេត្តបន្ទាយមានជ័យ

ភ្នំពេញ៖ នារសៀលថ្ងៃអង្គារ ៦រោច ខែពិសាខ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៨ ខែឧសភា ឆ្នាំ២០២៤ ឯកឧត្ដម ឧត្ដមសេនីយ៍ឯក សាយ ម៉េងឈាង អគ្គនាយករង បានដឹកនាំក្រុមការងារ នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ បានអញ្ជើញបើកសិក្ខាសាលាផ្សព្វផ្សាយច្បាប់ ស្ដីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ដែលប្រព្រឹត្តទៅ នៅសាលប្រជុំសាលាខេត្តបន្ទាយមានជ័យ។

ក្នុងកិច្ចប្រជុំផ្សព្វផ្សាយនេះ ក៏មានការអញ្ជើញចូលរួម លោកស្នងការរងទទួលបន្ទុកការងារអត្តសញ្ញាណប័ណ្ណសញ្ជាតិខ្មែរ និងអត្រានុកូលដ្ឋាន និងមន្រ្តីទទួលបន្ទុកការងារអត្រានុកូលដ្ឋាន ព្រមទាំងលោកអភិបាល អភិបាលរង ស្រុក/ក្រុង លោកមេឃុំ ចៅសង្កាត់ ស្មៀន គ្រប់ឃុំ សង្កាត់ និងលោក លោកស្រីប្រធានការិយាល័យជំនាញ ព្រមទាំងមន្ទីរ និងអង្គភាពពាក់ព័ន្ធជាច្រើនរូបទៀត ៕