រដ្ឋមន្ត្រីការបរទេសអាមេរិក ពិភាក្សាអំពីតម្រូវការដើម្បីបញ្ចប់សង្រ្គាមក្នុងប្រទេសស៊ូដង់ ជាមួយនាយឧត្តមសេនីយ៍កំពូលស៊ូដង់
វ៉ាស៊ីនតោន៖ កាលពីថ្ងៃអង្គារ រដ្ឋមន្ត្រីការបរទេសសហរដ្ឋអាមេរិក លោក Antony Blinken បានពិភាក្សាតាមទូរសព្ទអំពីតម្រូវការដើម្បីបញ្ចប់សង្គ្រាមជាបន្ទាន់នៅក្នុងប្រទេសស៊ូដង់ ជាមួយមេទ័ពស៊ូដង់នាយឧត្តមសេនីយ៍ Abdel Fattah al-Burhan។
ភាគីទាំងពីរក៏បានលើកឡើងពីមធ្យោបាយដើម្បី “បើកលទ្ធភាពឲ្យមានដំណើរការមនុស្សធម៌ដែលមិនមានការរារាំង រួមទាំងការឆ្លងកាត់ព្រំដែន និងខ្សែបន្ទាត់ដើម្បីសម្រាលទុក្ខលំបាករបស់ប្រជាជនស៊ូដង់”។
ប្រទេសស៊ូដង់ត្រូវបានរឹតបន្តឹងចាប់បានតាំងពីខែមេសា ឆ្នាំ២០២៣ ដោយសង្រ្គាមស៊ីវិលរវាងកងទ័ពស៊ូដង់ដែលដឹកនាំដោយលោក Burhan និងកងកម្លាំងគាំទ្ររហ័ស (RSF) ដែលដឹកនាំដោយលោក Mohamed Hamdan Dagalo។ ហើយជនស៊ីវិលរាប់ពាន់នាក់ត្រូវបានប៉ាន់ប្រមាណថាបានស្លាប់។
ក្រសួងការបរទេសអាមេរិក បានឲ្យដឹងថា លោក Antony Blinken បានពិភាក្សាអំពីការចរចាសន្តិភាពឡើងវិញជាមួយ លោក Burhan និងតម្រូវការដើម្បីការពារជនស៊ីវិល និងលុបបំបាត់អរិភាពនៅរដ្ឋធានី al-Fashir ភាគខាងជើងតំបន់ Darfur។
ការវាយប្រហារនាពេលថ្មីៗនេះនៅជុំវិញរដ្ឋធានី al-Fashir បានបំពានបទឈប់បាញ់ក្នុងតំបន់ដែលការពារ ពីសង្គ្រាមដែលបានរីករាលដាល។
កាលពីថ្ងៃអង្គារ ក្រសួងការបរទេសអេហ្ស៊ីបបានឲ្យដឹងថា ប្រទេសអេហ្ស៊ីបនឹងធ្វើជាម្ចាស់ផ្ទះនៃសន្និសីទ០១នៅខែក្រោយ ដោយមានការចូលរួមពីក្រុមនយោបាយស៊ីវិលរបស់ស៊ូដង់ជាមួយភាគីក្នុងតំបន់ និងពិភពលោកផ្សេងទៀត។
