សម្ដេចធិបតី ហ៊ុន ម៉ាណែត អរគុណប្រជាពលរដ្ឋក្នុងខេត្ដកំពង់ស្ពឺ ដែលទុកចិត្ដមកលើគណបក្សប្រជាជន ក្នុងការបន្ដដឹកនាំប្រទេស

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងអំណរគុណចំពោះប្រជាពលរដ្ឋក្នុងខេត្ដកំពង់ស្ពឺ ដែលគាំទ្រ និងទុកចិត្ដមកលើគណបក្សប្រជាជនកម្ពុជា ក្នុងការបន្ដដឹកនាំប្រទេស។

ក្នុងពិធីសម្ពោធដាក់ឱ្យប្រើប្រាស់សមិទ្ធផលមួយចំនួននៅមជ្ឈមណ្ឌលវប្បធម៌ព្រះពុទ្ធសាសនាកម្ពុជា ស្ថិតនៅឧទ្យានជាតិព្រះសុរាម្រិត-កុសមៈ «គិរីរម្យ» នាព្រឹកថ្ងៃទី៣០ ខែឧសភា ឆ្នាំ២០២៤នេះ សម្ដេចធិបតី ហ៊ុនម៉ាណែត បានមានប្រសាសន៍កោតសរសើរពីការអភិវឌ្ឍលើគ្រប់វិស័យនៅក្នុងខេត្តកំពង់ស្ពឺ ដែលធ្វើឲ្យប្រជាពលរដ្ឋទទួលបានផលប្រយោជន៍ជាច្រើន។

សម្ដេចធិបតី នាយករដ្ឋមន្ត្រី បានមានប្រសាសន៍បន្តថា កត្ដាសន្ដិភាព ទើបប្រជាពលរដ្ឋអាចធ្វើបុណ្យបាន មានសិទ្ធិសេរីភាព និងមានលទ្ធភាព។

សម្ដេចធិបតី នាយករដ្ឋមន្ត្រី បានគូសបញ្ជាក់ថា សារៈសំខាន់នៃសុខសន្តិភាពពិតជាបានធ្វើឲ្យកម្ពុជាមានការអភិវឌ្ឍលើគ្រប់វិស័យ ទាំងវិស័យអាណាចក្រ និងពុទ្ធចក្រ ៕