សម្តេចធិបតី៖ សហគមន៍មួយបើគ្មានបុណ្យទេនោះ នឹងនាំឱ្យមានការឈ្លោះប្រកែក ទាស់ទែង និងហិង្សា
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា សហគមន៍មួយបើគ្មានបុណ្យទេនោះ នឹងនាំឱ្យមានការឈ្លោះប្រកែក ទាស់ទែង និងហិង្សា។
សម្តេចធិបតី ហ៊ុន ម៉ាណែត បានថ្លែងបែបនេះ ក្នុងឱកាសដែលសម្តេចអញ្ជើញសម្ពោធដាក់ឱ្យប្រើប្រាស់សមិទ្ធផលមួយចំនួននៅមជ្ឈមណ្ឌលវប្បធម៌ព្រះពុទ្ធសាសនាកម្ពុជា ស្ថិតនៅឧទ្យានជាតិព្រះសុរាម្រិត-កុសមៈ «គិរីរម្យ» នាព្រឹកថ្ងៃទី៣០ ខែឧសភា ឆ្នាំ២០២៤នេះ។
សម្តេចធិបតី ហ៊ុន ម៉ាណែត បានគូសបញ្ជាក់ថា ការធ្វើបុណ្យមិនមែនមានតែនៅក្នុងវត្តនោះទេ ការចេះជួយគ្នា ការមិនធ្វើអំពើអាក្រក់ដាក់គ្នា ក៏ជាការធ្វើបុណ្យមួយដ៏ធំ ៕
