នាយករដ្ឋមន្ត្រី ហ៊ុន ម៉ាណែត ណែនាំថា “ធ្វើយ៉ាងណាក៉ំឲ្យកម្ពុជាមានជម្លោះសាសនាឲ្យសោះ”
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងណែនាំថា “ធ្វើយ៉ាងណាក៉ំឲ្យកម្ពុជាមានជម្លោះសាសនាឲ្យសោះ”។
សម្តេចធិបតី ហ៊ុន ម៉ាណែត បានណែនាំបែបនេះ ក្នុងឱកាសដែលសម្តេចអញ្ជើញសម្ពោធដាក់ឱ្យប្រើប្រាស់សមិទ្ធផលមួយចំនួននៅមជ្ឈមណ្ឌលវប្បធម៌ព្រះពុទ្ធសាសនាកម្ពុជា ស្ថិតនៅឧទ្យានជាតិព្រះសុរាម្រិត-កុសមៈ «គិរីរម្យ» នាព្រឹកថ្ងៃទី៣០ ខែឧសភា ឆ្នាំ២០២៤នេះ។
សម្តេចធិបតី ហ៊ុន ម៉ាណែត បានថ្លែងថា កម្ពុជាមានសុខដុមនីយកម្មផ្នែកសាសនារួចទៅហើយ មានមេដឹកនាំសាសនានានាបានធ្វើការងារជាមួយគ្នាដោយគ្មានការរើសអើង។
សម្ដេចធិបតី នាយករដ្ឋមន្ត្រី បានបន្តថា សង្គ្រាមមិនមែនកើតមានដោយសារអាវុធនោះទេ ពោលសង្គ្រាមកើតមានដោយសារផ្នត់គំនិត និងមនោគមវិជ្ជារបស់មនុស្ស ហេតុនេះដាច់ខាតត្រូវរួមគ្នាទប់ស្កាត់ មនោគមវិជ្ជាជ្រុលនិយម រួមគ្នារក្សាសុខសន្តិភាពឱ្យខាងតែបាន និងអង្វែងយូរ។
សម្តេចធិបតី នាយករដ្ឋមន្ត្រី បានគូសបញ្ជាក់ថា ត្រូវរួមគ្នាថែរក្សាសន្តិភាព តាមរយៈការធ្វើបុណ្យ ការយោគយល់គ្នា ការប្រកួតប្រជែងគ្នាដោយក្រមសិលធម៌ ៕
