ឯកឧត្តម ឆែម សាវុធ អញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែឧសភា និងលើកទិសដៅការងារសម្រាប់ខែបន្ទាប់ របស់អគ្គនាយកដ្ឋានពន្ធនាគារ

ភ្នំពេញ៖ នៅព្រឹកថ្ងៃទី៣១ ខែឧសភា ឆ្នាំ២០២៤ ឯកឧត្តម ឆែម សាវុធ រដ្ឋលេខាក្រសួងមហាផ្ទៃ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែឧសភា និងលើកទិសដៅការងារសម្រាប់ខែបន្ទាប់ របស់អគ្គនាយកដ្ឋានពន្ធនាគារ។

ឯកឧត្តម ឈន សាណាត អគ្គនាយក នៃអគ្គនាយកដ្ឋានពន្ធនាគារ បានធ្វើសេចក្តីរាយការណ៍សង្ខេបស្តីពី លទ្ធផលការងារសម្រេចបានក្នុងខែឧសភា៖
-កំណើនជនជាប់ឃុំ១.១៥%ធៀបនឹងខែមេសា
-ដឹកជញ្ជូន និងផ្ទេរជនជាប់ឃុំ៨លើក សរុប ២៩៦នាក់
-បានដាក់សំណើសុំអាវុធវែង១៦០ដើម និងអាវុធខ្លី៤០ដើម
-បានបន្ធូរបន្ថយទោស និងលើកលែងទោស ៦៨៩នាក់
-បណ្តុះបណ្តាល ៩០៤នាក់
-បន្តតាមដានរបបអាហារជនជាប់ឃុំជាប្រចាំ
-តាមដានគម្រោងជួសជុសក្រោម១០០លានរៀលនៅ៨ពន្ធនាគារ
-រៀបចំចាង់ចែងចរន្តឯកសារ ៧១៨នាក់។

ឯកឧត្តមអគ្គនាយក បានបន្តមានប្រសាសន៍ថា យោងតាមប្រសាសន៍របស់ឯកឧត្តមអភិសន្តិបណ្ឌិត “យើងត្រូវធ្វើការដកបទពិសោធន៍ការងារជាមួយប្រទេសនានាក្នុងតំបន់អោយបានច្រើន។ នៅប្រទេសសិង្ហបុរីមិនមានជនជាប់ឃុំរត់គេចខ្លួនរយៈពេល២៥ឆ្នាំហើយ ទោះជាយ៉ាងដូចនេះក្តី ក៏ពន្ធនាគារសិង្ហបុរីនៅបន្តធ្វើសមយុទ្ធជាប្រចាំដើម្បីរំលឹកដល់មន្រ្តីទាំងអស់អោយរក្សាបានកាយសម្បទាមាំមួន និងចំណេះចំនាញរបស់ខ្លួនច្បាស់លាស់”។ ពន្ធនាគារកម្ពុជានឹងបន្តសហការស្អិតរមួតជាមួយបណ្ឌិតសភានគរបាលកម្ពុជា ដើម្បីធ្វើការបាញ់គ្រាប់ពិតនៅសាលា ឬនៅអង្គភាពតាមស្ថានភាពនៅទីតាំងជាក់ស្តែងដែលធានាមិនប៉ះពាល់ដល់សហគមន៍ជុំវិញ។

ឆ្លៀតក្នុងឱកាសនោះដែរ ឯកឧត្តម ឆែម សាវុធ រដ្ឋលេខាធិការក្រសួងមហាផ្ទៃ បានលើកទឹកចិត្តអោយមានការជួបប្រជុំគ្នាបានញឹកញាប់ដើម្បីលើកបញ្ហាប្រឈមនានាយកមកដោះស្រាយទាន់សភាពការ នាំគ្នាពន្លឿនរាល់ឯកសារកុំអោយរាំងស្ទះ វិភាគមុខងាររបស់បន្រ្តី និងជំរុញការបែងចែកចំណាត់ថ្នាក់សន្តិសុខ(ខ្ពស់ មធ្យម និងទាប) ក្នុងគោលបំណងដោះស្រាយភាពចង្អៀតណែន រក្សាសុវត្ថិភាព និងសណ្តាប់ធ្នាប់ក្នុងពន្ធនាគារ ធ្វើអោយការងារប្រចាំថ្ងៃកាន់តែប្រសើរឡើង ៕