រដ្ឋបាលខេត្តក្រចេះ ជូនដំណឹងស្តីពីការរៀបចំទិវាបរិស្ថានជាតិ និងបរិស្ថានពិភពលោក ៥ មិថុនា
ភ្នំពេញ៖ រដ្ឋបាលខេត្តក្រចេះ នឹងរៀបចំទិវាបរិស្ថានជាតិ និងបរិស្ថានពិភពលោក ៥ មិថុនា ក្នុងគោលបំណងលើកកម្ពស់ការយល់ដឹងជាសាធារណៈអំពីការគ្រប់គ្រង និងប្រើប្រាស់ធនធានធម្មជាតិ ប្រកបដោយនិរន្តភាព ការប្រយុទ្ធប្រឆាំងនឹងការប្រែប្រួលអាកាសធាតុ ការគ្រប់គ្រងគុណភាពបរិស្ថាន សំដៅលើកកម្ពស់សុខភាពសាធារណៈ កិច្ចគាំពារបរិស្ថាន ការអភិរក្សជីវៈចម្រុះ ការគ្រប់គ្រងធនធម្មជាតិ ប្រកបដោយនិរន្តភាព។
រដ្ឋបាលខេត្តក្រចេះ សូមស្នើដល់ មន្ទីរ-អង្គភាពជុំវិញខេត្ត រដ្ឋបាលក្រុង ស្រុក ឃុំ សង្កាត់ គ្រឹស្ថានសិក្សាសាធារណៈរដ្ឋ-ឯកជន ក្រុមហ៊ុន សហគ្រាស ធនាគារ គ្រឹះស្ថានមីក្រូហិរញ្ញវត្ថុ វត្តអារាម មន្ទីរពេទ្យ សាលារៀន និងបងប្អូនប្រជាពលរដ្ឋក្នុងខេត្តក្រចេះ ចូលរួមក្នុងការធ្វើអនាម័យ ការដាំដើមឈើ និងការគ្រប់គ្រង ទុកដាក់ និងវេចខ្ចប់សំណល់រឹង សំរាមក្នុងធុងសំរាម ដែលនឹងប្រព្រឹត្ត ទៅនៅថ្ងៃសុក្រ ទី០៧ ខែមិថុនា ឆ្នាំ២០២៤ វេលាម៉ោង ៨:០០នាទីព្រឹក នៅតាមមន្ទីរ-អង្គភាព និង ភូមិឋានរៀងៗខ្លួន ដោយជៀសវាងការដុត ឬការបោះបង់ចោលមិនត្រឹមត្រូវតាមលក្ខណៈបច្ចេកទេស ដែលអាចបង្កការប៉ះពាល់ដល់សុខភាពមនុស្សសត្វ និងគុណភាពបរិស្ថាន ៕
