សាខាកាកបាទក្រហមកម្ពុជាខេត្តបន្ទាយមានជ័យ ប្រារព្វទិវាឆ្មបជាតិ-អន្តរជាតិ ៥ ឧសភា
ភ្នំពេញ៖ នៅព្រឹកថ្ងៃពុធ ទី៥ ខែមិថុនា ឆ្នាំ២០២៤ សាខាកាកបាទក្រហមកម្ពុជាខេត្តបន្ទាយមានជ័យ បានប្រារព្វទិវាឆ្មបជាតិ-អន្តរជាតិ ៥ ឧសភា ក្រោមអធិបតីភាព ឯកឧត្តម អ៊ុំ រាត្រី ប្រធានគណៈកម្មាធិការសាខាកាកបាទក្រមហមកម្ពុជាខេត្តបន្ទាយមានជ័យ និងមានការចូលរួមពី ឯកឧត្តម លោកជំទាវ លោក លោកស្រី ក្នុងគណៈកម្មាធិការសាខា អនុសាខា ក្រុមកក្រកសង្កាត់ អ្នកស្ម័គ្រចិត្ត កក្រក យុវជនកក្រក។
អបអរសាទរ ទិវាឆ្មបជាតិ-អន្តរជាតិ ៥ ឧសភា ឆ្នាំ២០២៤ ក្រោមប្រធានបទ”ពង្រឹងជំនាញវិជ្ជាជីវៈឆ្មបដើម្បីលើកកម្ពស់ សេវាថែទាំព្យាបាល សុខភាពមាតា ទារកនិង យុវវ័យក្នុងបរិបទការប្រែប្រួលអាកាសធាតុ”។
ពិធីនេះប្រារព្វឡើងដើម្បីលើកកម្ពស់ឥស្សរជនឆ្នើមថ្នាក់ជាតិ នៃផែនការសកម្មភាពរួមអគ្គលេខាធិការអង្គការសហប្រជាជាតិ ដើម្បីសុខភាពស្ត្រី និងកុមារ ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាឥស្សរជនដ៏ឆ្នើមដែលសម្តេចទទួលបានគោរមងារនេះ។
ការប្រារព្វពិធីធ្វើឡើងក្នុងបរិវេណសាលាគុកោសល្យ និងវិក្រិតការខេត្ត ស្ថិតនៅភូមិ៣ សង្តាត់ព្រះពន្លា ក្រុងសិរីសោភ័ណ ទិវាឆ្មបជាតិ -អន្តរជាតិ ៥ ឧសភា សាខាបានអញ្ជើញសមាសភាព ពីគ្រូពេទ្យឆ្មប ពីមណ្ឌលសុខភាព ៧សង្កាត់ក្នុងក្រុង គ្រូពេទ្យឆ្មបតាម អូរឌី និងពេទ្យឆ្មប នៅមន្ទីរពេទ្យបង្អែកមិត្តភាព កម្ពុជា-ជប៉ុនមង្គលបូរី ចំនួន៣០នាក់ និងស្រ្តីមានផ្ទៃពោះ ក្នុង៤សង្កាត់ក្នុងក្រុង ចំនួន៣០នាក់ ។
ក្នុងពេលជាមួយគ្នានេះដែរសាខាបានរៀបចំរបស់កំដរដៃបន្តិចបន្ទួចផងដែរ។សម្រាប៉អ្នកគ្រូពេទ្យឆ្មបចំនួន៣០នាក់ក្នុងម្នាក់ៗទទួលបាន÷ ទឹកល្ថរខ្មៅ១យួរ, ទឹកសណ្តែក ១យួរ, នំធុង ១ធុង, ផ្លែក្រូចលឿង១គីឡូក្រាម និងថវិកាផ្ទាល់របស់ឯកឧត្តមប្រធាន៥ម៉ឺនរៀល។
សម្រាប់ស្ត្រីមានផ្ទៃពោះចំនួន៣០នាក់ ក្នុងម្នាក់ៗទទួលបានក្រមាពោះគោធំ១, ទឹកសណ្តែក ១យួរ និងថវិកាផ្ទាល់របស់ឯកឧត្តម ប្រធាន២ម៉ឺនរៀល៕
