ឯកឧត្តម ប្រាក់ សំអឿន អញ្ជើញសម្ពោធដាក់ឱ្យប្រើប្រាស់ជាផ្លូវការសាលាធម្មសភា និងឆ្លងសមិទ្ធផលនានានៅក្នុងវត្តវឌ្ឍនកុសលារាម ក្នុងស្រុកថ្មគោល
ភ្នំពេញ៖ នៅព្រឹកថ្ងៃសុក្រ ១កើត ខែជេស្ឋ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី៧ ខែមិថុនា ឆ្នាំ២០២៤ ឯកឧត្តម ប្រាក់ សំអឿន រដ្ឋលេខាធិការ ក្រសួងមហាផ្ទៃ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតី ក្នុងពិធីសម្ពោធដាក់ឱ្យប្រើប្រាស់ជាផ្លូវការសាលាធម្មសភា និងឆ្លងសមិទ្ធផលនានានៅក្នុងវត្តវឌ្ឍនកុសលារាម (ហៅវត្តទួលថ្ងាន់)។
ពិធីនេះប្រារព្ធធ្វើនៅបរិវេណវត្តវឌ្ឍនកុសលារាម (ហៅវត្តទួលថ្ងាន់) ស្ថិតក្នុងភូមិនិគមក្នុង ឃុំជ្រោយស្តៅ ស្រុកថ្មគោល ខេត្តបាត់ដំបង។ ដោយមានការអញ្ជើញ និងនិមន្តចូលរួមពីព្រះសង្ឃ ឯកឧត្តម លោកជំទាវ ថ្នាក់ដឹកនាំខេត្ត លោកយាយ លោកតា និងពុទ្ធបរិស័ទ ជាច្រើនរូបទៀត ៕
