ក្រុមបាល់ទាត់ជម្រើសជាតិកម្ពុជា យកឈ្នះក្រុមជម្រើសជាតិម៉ុងហ្គោលី ២-០ ក្នុងជំនួបមិត្តភាពអន្ដរជាតិ នៅពហុកីឡដ្ឋានជាតិអូឡាំពិក

ភ្នំពេញ៖ ក្រុមបាល់ទាត់ជម្រើសជាតិកម្ពុជា បានយកឈ្នះក្រុមជម្រើសជាតិម៉ុងហ្គោលី ២-០ ក្នុងជំនួបមិត្តភាពអន្ដរជាតិ កាលពីយប់មិញ នៅពហុកីឡដ្ឋានជាតិអូឡាំពិក។

សូមបញ្ជាក់ងា នេះគឺជាជ័យជម្នះលើកដំបូង ក្នុងឆ្នាំ២០២៤ ហើយក៏ជាការបញ្ចប់កំណត់ត្រាមិនស្គាល់ពាក្យថាឈ្នះ ក្នុងរយៈពេល ២៧១ថ្ងៃចុងក្រោយនេះដែរ។

ជំនួបមិត្តភាពអន្ដរជាតិ ក្រោមដំណក់ភ្លៀងស្ទើរពេញ ៩០នាទី រាត្រីថ្ងៃសុក្រនេះ វគ្គទី១ ក្រុមគោព្រៃកម្ពុជា បានស៊ុតបំប៉ោងសំណាញ់ទីក្រុមភ្ញៀវ ២គ្រាប់មុន ដោយខ្សែប្រយុទ្ធសញ្ជាតិខ្មែរ Yudia Ogawa នៅនាទី២២ និងកីឡាករ សារ ទី នៅនាទី៣០។ បន្ទាប់មកក្រុមទាំងពីរ ក៏បានបង្កើតឱកាសរៀងៗខ្លួន ពិសេសនៅចុងម៉ោង ដែលកម្ពុជា មានឱកាសទាត់បាល់ពិន័យ ១ម៉ែត្រ តែសោកស្ដាយ កីឡាករកូនកាត់ខ្មែរ-អាមេរិក Nick Taylor ធ្វើមិនបានសម្រេច ហើយលទ្ធផលនេះ ក៏បានរក្សាដល់ចប់ការប្រកួតតែម្ដង៕