សម្តេច ម៉ែន សំអន អញ្ជើញចុះសួរសុខទុក្ខ និងនាំយកអំណោយមនុស្សធម៌ផ្តល់ជូន គ្រួសាររងគ្រោះដោយសារអគ្គីភ័យ នៅស្រុកស្វាយជ្រំ
ភ្នំពេញ៖ នារសៀលថ្ងៃសៅរ៍ ២កើត ខែជេស្ឋ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៨ ខែមិថុនា ឆ្នាំ២០២៤ សម្តេចកិតិសង្គហបណ្ឌិត ម៉ែន សំអន គណៈកិតិយសសាខាកាកបាទក្រហមកម្ពុជាខេត្តស្វាយរៀង បានដឹកនាំក្រុមការងារសាខា អនុសាខា ចុះសួរសុខទុក្ខ និងនាំយកអំណោយមនុស្សធម៌ផ្តល់ជូន គ្រួសាររងគ្រោះដោយសារអគ្គីភ័យ នៅស្រុកស្វាយជ្រំ ខេត្តស្វាយរៀង។
គួររំលឹកផងដែរថា កាលពីព្រឹកថ្ងៃទី ០៨ ខែ មិថុនា ឆ្នាំ ២០២៤ មានអគ្គីភ័យបបណ្តាលឱ្យឆាបឆេះផ្ទះ របស់ប្រជាពលរដ្ឋឈ្មោះ សំ ផាន ភេទប្រុស អាយុ ៧៦ឆ្នាំ ប្រពន្ធឈ្មោះ អាំ ផល្លា ភេទ ស្រី អាយុ ៧០ឆ្នាំ រស់នៅភូមិស្វាយតាភ្ល ឃុំបាសាក់ ស្រុកស្វាយជ្រំ ខេត្តស្វាយរៀង ផ្ទះទំហំ ៦x៧ ម៉ែត្រ មានតសំយ៉ាបមកមុខ ៥ម៉ែត្រកន្លះ ឆេះអស់ទាំងស្រុងរួមនឹងសម្ភារប្រើប្រាស់ មូលហេតុទុសេខ្សែភ្លើង។
អំណោយដែលបានផ្តល់ជូនរួមមាន៖ អង្ករ ៥០គីឡូក្រាម, កៅស៊ូតង់ ១, ធុងទឹកជ័រ ១, ឆ្នាំងបាយ-សម្លរ ២, មី ១កេស, ត្រីខ ១០កំប៉ុង, ទឹកស៊ីអ៊ីវ ៦ដប, កន្ទេលបត់ ១, មុង ១, ភួយ ១, សារុង ១, ក្រម៉ា ១ និងថវិកា ១លានរៀល ក្នុងឱកាសនោះឯកឧត្តម លោកជំទាវ ក៏បានចូលរួមឧបត្ថម្ភថវិកាមួយចំនួនផងដែរ ៕
