ឧត្ដមមន្ត្រីអាស៊ានកម្ពុជា អញ្ជើញចូលរួមកិច្ចប្រជុំឧត្ដមមន្ត្រីវេទិកាតំបន់អាស៊ាន
ភ្នំពេញ៖ នៅថ្ងៃទី៨ ខែមិថុនា ឆ្នាំ២០២៤ ឯកឧត្ដម គង់ ភោគ រដ្ឋលេខាធិការ នៃក្រសួងការបរទេស និងសហប្រតិបត្តិការអន្តរជាតិ និងជាឧត្ដមមន្ត្រីអាស៊ានរបស់កម្ពុជា បានអញ្ជើញចូលរួមកិច្ចប្រជុំឧត្ដមមន្ត្រីវេទិកាតំបន់អាស៊ាន នៅទីក្រុងវៀងចន្ទន៍ ប្រទេសឡាវ។
កិច្ចប្រជុំបានពិភាក្សាអំពីលទ្ធផលនៃកិច្ចប្រជុំ និងសកម្មភាពវេទិកាតំបន់អាស៊ានសម្រាប់ឆ្នាំអន្តរសម័យ២០២៣-២០២៤ ពិនិត្យនិងអនុម័តគំនិតផ្ដួចផ្ដើមវេទិកាតំបន់អាស៊ានថ្មីៗស្ដីពីការកសាងទំនុកចិត្តនិងការបង្ការ តាមរយៈវិធីសាស្ត្រការទូតសម្រាប់ឆ្នាំអន្តរសម័យ២០២៤-២០២៥ ពិភាក្សាលើទិសដៅអនាគតរបស់វេទិកាតំបន់អាស៊ាន និងបានផ្លាស់ប្ដូរយោល់លើបញ្ហាតំបន់ និងអន្តរជាតិ ៕
