ឯកឧត្តម ខូយ រីដា ថ្លែងអំណរអគុណចំពោះប្រធានអាជ្ញាធរអគ្គីសនីកម្ពុជា ដែលបានឧបត្ថម្ភថវិកា ក្នុងឱកាសទិវាខួបលើកទី១៦១ ទិវាអន្តរជាតិកាកបាទក្រហម អឌ្ឍចន្ទក្រហម ៨ ឧសភា
ភ្នំពេញ៖ ឯកឧត្តម ខូយ រីដា ប្រធានគណៈកម្មាធិការសាខាកាកបាទក្រហមកម្ពុជា ខេត្តពោធិ៍សាត់ សូមថ្លែងអំណរអគុណយ៉ាងជ្រាលជ្រៅចំពោះឯកឧត្ត្តម យឹម ពិសិដ្ឋ ប្រធានអាជ្ញាធរអគ្គីសនីកម្ពុជា ដែលបានឧបត្ថម្ភថវិកាចំនួន ៨០លានរៀល ក្នុងឱកាសទិវាខួបលើកទី១៦១ ទិវាអន្តរជាតិកាកបាទក្រហម អឌ្ឍចន្ទក្រហម ៨ ឧសភា ២០២៤ ក្រោមប្រធានបទ “រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ”។
គណៈកិត្តិយស, គណៈកម្មាធិការសាខា កាកបាទក្រហមកម្ពុជា ខេត្តពោធិ៍សាត់ សូមជូនពរជ័យដល់ ឯកឧត្តម សមប្រកបដោយព្រះពុទ្ធពរទាំង៤ប្រការគឺ៖ អាយុ វណ្ណៈ សុខៈ ពលៈ ជានិច្ចនិរន្តរ៍ កុំបីឃ្លៀងឃ្លាតឡើយ។
សាខាកាកបាទក្រហមកម្ពុជា ខេត្តពោធិ៍សាត់ នឹងរង់ចាំទទួលអំណាយមនុស្សធម៌របស់ សម្ដេច ឯកឧត្ដម លោកជំទាវ អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា សប្បុរសជនទាំងអស់ នៅទីស្នាក់ការសាខា កាកបាទក្រហមកម្ពុជា ខេត្តពោធិ៍សាត់ រៀងរាល់ម៉ោងធ្វើការ និងតាមរយៈទូរស័ព្ទលេខ៖ 012 835 211 / 012 962 637 ៕
