សូមប្រុងប្រយ័ត្ន! មានអ្នកក្លែងបន្លំហ្វេសប៊ុក ជាសម្តេចកិត្តិព្រឹទ្ធបណ្ឌិត

ភ្នំពេញ៖ ក្រុមការងារហ្វេសប៊ុក និងតេឡេក្រាម របស់សម្ដេចតេជោ ហ៊ុន សែន ប្រធានព្រឹទ្ធសភា នៅយប់ថ្ងៃទី១៥ ខែមិថុនា ឆ្នាំ២០២៤នេះ បានបញ្ជាក់ថា សូមបងប្អូនប្រយ័ត្ន fake account/Profile ដែលក្លែងបន្លំដាក់ឈ្មោះ សម្តេចកិត្តិព្រឹទ្ធបណ្ឌិត “Bun Rany Hun” ព្រោះឃើញមាន Chat ទៅកាន់អ្នកប្រើប្រាស់មួយចំនួនជាសារមិនប្រក្រតី… អាចបកប្រែ តាម google translate។

ប្រភពបានបញ្ជាក់ថា សម្តេចកិត្តិព្រឹទ្ធបណ្ឌិតមិនមាន facebook account/Profile ផ្ទាល់ខ្លួនផ្លូវការទេ។ សូមបងប្អូនប្រើ ប្រាស់មានការប្រុងប្រយ័ត្ន និងពិនិត្យអោយបានច្បាស់លាស់មុននឹង follow, add friend, send message… កុំចាញ់បោកពួកអ្នកក្លែង (scam) ជាពិសេសប្រើឈ្មោះប្រមុខដឹកនាំប្រទេស, មន្រ្តីធំ ឬឧកញ៉ា ឬ អ្នកដែលមានប្រជាប្រីយ៍ភាពក្នុងសង្គម។ បើមិនច្បាស់ទេកុំទាក់ទងឆ្លងឆ្លើយជាមួយ Scammer៕