អភិបាលខេត្តកំពង់ចាម ដឹកនាំក្រុមការងារខេត្ត មន្ទីរជំនាញ និងអាជ្ញាធរមូលដ្ឋាន ចុះពិនិត្យស្ថានីយ ប្រព័ន្ធធារាសាស្ត្រ ព្រែកពោធិ ស្ថិតក្នុងភូមិសាស្ត្រឃុំព្រែកពោធិ ស្រុកស្រីសន្ធរ

ភ្នំពេញ៖ នាថ្ងៃអាទិត្យ ១០ កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៦ ខែមិថុនា ឆ្នាំ២០២៤ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំក្រុមការងារខេត្ត មន្ទីរជំនាញ និងអាជ្ញាធរមូលដ្ឋាន អញ្ជើញចុះពិនិត្យស្ថានីយ ប្រព័ន្ធធារាសាស្ត្រ ព្រែកពោធិ ស្ថិតក្នុងភូមិសាស្ត្រឃុំព្រែកពោធិ ស្រុកស្រីសន្ធរ។ ប្រព័ន្ធធារាសាស្ត្រ ព្រែកពោធិ មានប្រវែងសរុបប្រវែង១០៥,៣៧គីឡូម៉ែត្រ ក្នុងនោះចែកចេញជាប្រឡាយបេតុងមានប្រវែង ២៧,១៩គីឡូម៉ែត្រ និងប្រឡាយដីមានប្រវែង ៧៨,១៧គីឡូម៉ែត្រ សំណង់សិល្បការតូចធំចំនួន ១៩៥កន្លែង ព្រមទាំងមានស្ថានីយបូមទឹកទំនើបបំពាក់ម៉ូទ័រ៧គ្រឿងចំនួនមួយកន្លែង ដោយមានលទ្ធភាពស្រោចស្រពលើផ្ទៃដីច្រើនជាង ៨.០០០ ហិកតា។ ក្នុងឱកាសនោះ ឯកឧត្តមអភិបាលខេត្ត បានណែនាំឲ្យអាជ្ញាធរមូលដ្ឋាន និងមន្ត្រីបច្ចេកទេស ខិតខំយកចិត្តទុកដាក់ថែរក្សានូវសមិទ្ធផលជាប្រវត្តិសាស្ត្រមួយនេះឲ្យបានប្រើប្រាស់គង់វង្សយុវង្វែង ៕