ក្រសួងពាណិជ្ជកម្ម ចេញសេចក្តីជូនដំណឹងស្តីពីរៀបចំពិព័រណ៍ពាណិជ្ជកម្ម និងវិនិយោគចិន Lanzhou លើកទី៣០ ដែលនឹងប្រព្រឹត្តទៅចាប់ពីថ្ងៃទី៦-១០ ខែកក្កដា ឆ្នាំ២០២៤

ភ្នំពេញ៖ ក្រសួងពាណិជ្ជកម្ម នៃព្រះរាជាណាចក្រកម្ពុជា បានជម្រាបជូនដល់លោក លោកស្រី ជាពាណិជ្ជករ អ្នកវិនិយោគ និងសាធារណជនទូទៅឱ្យបានជ្រាបថា គណៈកម្មការវិនិយោគ និង ពិព័រណ៍ពាណិជ្ជកម្មចិន Lanzhou នឹងរៀបចំ ពិព័រណ៍ពាណិជ្ជកម្ម និងវិនិយោគចិន Lanzhou លើកទី៣០ “The 30th China Lanzhou Investment and Trade Fair” ក្រោមមូលបទ «ចែករំលែក ឱកាស ស្វែងរកការអភិវឌ្ឍន៍ បង្កើតវិបុលភាព» ដែលនឹងប្រព្រឹត្តទៅចាប់ពីថ្ងៃទី៦-១០ ខែកក្កដា ឆ្នាំ២០២៤ នៅ មជ្ឈមណ្ឌលសន្និបាត និងពិព័រណ៍អន្តរជាតិ Gansu ទីក្រុង Lanzhou ខេត្ត Gansu សាធារណរដ្ឋប្រជាមានិតចិន។

ពិព័រណ៍ពាណិជ្ជកម្មខាងលើ នឹងផ្តល់ឱកាសដល់អ្នកចូលរួម ដើម្បីទទួលបានចំណេះដឹង និងពង្រីកអាជីវកម្ម តាមរយៈសកម្មភាពជាច្រើន ដូចជាការជំរុញពាណិជ្ជកម្មនិងវិនិយោគ ការតាំងបង្ហាញផលិតផល សន្និសីទ និង ការផ្លាស់ប្តូរពាណិជ្ជកម្មជាមួយប្រទេស និងតំបន់តាមបណ្តោយខ្សែក្រវាត់ និងផ្លូវ។ គណៈកម្មការរៀបចំពិព័រណ៍ បានផ្តល់ស្តង់ទំហំ ១៨មX៣៦ម ដោយឥតគិតថ្លៃ ជូនដល់ក្រុមហ៊ុន/សហគ្រាសកម្ពុជា សម្រាប់ដាក់តាំង បង្ហាញ ផលិតផល និងស្វែងរកដៃគូពាណិជ្ជកម្ម។

ក្រសួងពាណិជ្ជកម្ម ក្នុងនាមជាអ្នកសម្របសម្រួល សូមអញ្ជើញ លោក លោកស្រី ដែលជាពាណិជ្ជករ និងអ្នកវិនិយោគដែលមានចំណាប់អារម្មណ៍ចង់ចូលរួមក្នុងព្រឹត្តិការណ៍ខាងលើ សូមទាក់ទងបំពេញបែបបទ ចូលរួមតាមរយៈនាយកដ្ឋានកិច្ចការពិព័រណ៍ អគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម ដែល មានអាសយដ្ឋានឡូត៍លេខ១៩-៦១ មហាវិថីសហព័ន្ធរុស្ស៊ី ភូមិទឹកថ្លា សង្កាត់ទឹកថ្លា ខណ្ឌសែនសុខ រាជធានី ភ្នំពេញ។ សម្រាប់ព័ត៌មានបន្ថែម សូមទាក់ទងមន្ត្រីសម្របសម្រួល តាមរយៈទូរស័ព្ទលេខ ០៨៧ ៧៥៥ ៥៥១ / ០៧៧ ៣៦១ ៨៣៦ ឬអ៊ីម៉ែល ritatong19@gmail.comoun.veassna@gmail.com៕