គ្រឿងញៀនខុសច្បាប់ប្រមាណជាង ១តោន ត្រូវបានដុតបំផ្លាញចោល នៅខេត្តព្រះវិហារ
ភ្នំពេញ៖ នៅរសៀលថ្ងៃទី២៥ ខែមិថុនា ឆ្នាំ២០២៤ គ្រឿងញៀនប្រមាណជាង ១តោន ដែលបង្ក្រាបបាននាពេលកន្លងមក ត្រូវបានគណ:កម្មការត្រួតពិនិត្យគ្រឿងញៀនខេត្ត សម្រេចដុតបំផ្លាញចោល នៅចំណុចដីឡូតិ៍មួយកន្លែងស្ថិតក្នុងភូមិសាស្ដ្រភូមិស្ថាពរ សង្កាត់ប៉ាលហាល ក្រុងព្រះវិហារ ខេត្តព្រះវិហារ។
ពិធីដុតបំផ្លាញនេះ ធ្វេីឡេីងក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត ឯកឧត្តម គីម រិទ្ធី អភិបាល នៃគណ:អភិបាលខេត្ត និងជាប្រធានគណ:កម្មការត្រួតពិនិត្យគ្រឿងញៀនខេត្ត ដោយមានការចូលរួមពីសំណាក់ ឯកឧត្តម យុត្ត ពន្លឺ ប្រធានសាលាដំបូងខេត្ត អភិបាលរងខេត្ត កងកម្លាំងទាំងបី ថ្នាក់ដឹកនាំមន្ទីរអង្គភាពជុំវិញខេត្ត យុវជន សិស្សានុសិស្ស និងអ្នកពាក់ព័ន្ធជាច្រេីនរូបទៀត៕
