ភ្នាក់ងារទេសចរ សហការជាមួយនគរបាលការពារបេតិកភណ្ឌ និងនគរបាលទេសចរណ៍ ប្រគល់សម្ភារជូនភ្ញៀវទេសចរដែលភ្លេចឬជ្រុះ
ភ្នំពេញ៖ នៅថ្ងៃទី២៧ ខែមិថុនា ឆ្នំា២០២៤ វេលាម៉ោង០៩:១៩នាទីព្រឹក ក្រុមការងារភ្នាក់ងារទេសចរប្រចាំគោលដៅប្រាសាទអង្គរវត្តបានប្រទះឃើញកាបូបស្ពាយក្រោយពណ៌ខៀវមួយនៅចំណុចរួតទីពីខាងជើង លុះដល់វេលាម៉ោង០៩:៤៩នាទី មានភ្ញៀវទេសចរជនជាតិអាមេរិកម្នាក់ភេទប្រុស អាយុ៤៥ឆ្នាំ បានមករកកាបូបដែលបានបាត់ដោយពិនិត្យឃើញថាពិតជារបស់គាត់ពិតប្រាកដមែនក្រុមការងារទេសចរ សហការនគរបាលការពារបេតិកភណ្ឌ និងនគរបាលទេសចរណ៍ ធ្វើការប្រគល់ជូនគាត់វិញ។
ជារឿយៗ ភ្នាក់ងារទេសចរតែងតែរើសបាននូវសម្ភារឬរបស់របរមួយចំនួនដែលភ្ញៀវទេសចរបានជ្រុះ ឬភ្លេចនៅតាមប្រាសាទនានា ហើយសហការជាមួយនគរបាលការពារបេតិកភណ្ឌ នគរបាលទេសចរណ៍ និងភ្នាក់ងារសណ្តាប់ធ្នាប់ ក្នុងការស្វែងរកម្ចាស់សម្ភារឬរបស់របរទាំងនោះ ជូនទៅម្ចាស់ដើមវិញ៕
