សម្តេចធិបតី៖ វិស័យឯកជន ដើរតួនាទីជាស្នូលនៅក្នុងការបំពេញឱ្យរដ្ឋ ហើយដើម្បីឱ្យប្រព័ន្ធសេដ្ឋកិច្ចទីផ្សារដើរ គឺត្រូវជួយគាំទ្រវិស័យឯកជន

ភ្នំពេញ៖ ក្នុងឱកាសអញ្ជើញជាអធិបតីជួបសំណេះសំណាល និងពិសាភោជនាហារសាមគ្គីមហាគ្រួសារ សហគ្រាសធុនតូច មធ្យម និងសិប្បកម្មកម្ពុជា នាថ្ងៃទី២៧ ខែមិថុនា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងគូសបញ្ជាក់ថា ដើម្បីឱ្យប្រព័ន្ធសេដ្ឋកិច្ចទីផ្សារដើរ គឺត្រូវជួយគាំទ្រវិស័យឯកជន។

សម្តេចធិបតី ហ៊ុន ម៉ាណែត បានមានប្រសាសន៍ថា វិស័យឯកជន ដើរតួនាទីជាស្នូលនៅក្នុងការបំពេញឱ្យរដ្ឋ ក្នុងការដោះស្រាយតម្រូវទាំងផលិតកម្ម និងសេវាកម្មជូនប្រជាពលរដ្ឋ។

សម្តេចធិបតី ហ៊ុន ម៉ាណែត លើកឡើងថា រាជរដ្ឋាភិបាលត្រូវតែយកចិត្តទុកដាក់ លើវិស័យសហគ្រាសធុនមីក្រូ តូច និងមធ្យម (MSMEs) ពីព្រោះវិស័យនេះនៅតែជាឆ្អឹងខ្នង នៃសេដ្ឋកិច្ចតទៅអនាគត ៕