អាជ្ញាធរសុខាភិបាល៖ ចំនួនអ្នកស្លាប់នៅហ្គាហ្សាកើនឡើងដល់ ៣៧.៨៧៧នាក់
ហ្គាហ្សា៖ អាជ្ញាធរសុខាភិបាលដែលមានមូលដ្ឋាននៅហ្គាហ្សាបានឲ្យដឹងនៅក្នុងសេចក្តីថ្លែងការណ៍មួយថា ចំនួនអ្នកស្លាប់របស់ប៉ាឡេស្ទីនពីការវាយប្រហារបន្តរបស់អ៊ីស្រាអែលទៅលើតំបន់ហ្គាហ្សាស្ទ្រីប បានកើនឡើងដល់ ៣៧,៨៧៧នាក់ហើយ។ ក្នុងរយៈពេល២៤ម៉ោងកន្លងទៅនេះ យោធាអ៊ីស្រាអែលបានសម្លាប់មនុស្សចំនួន ៤៣ នាក់ និងរបួសចំនួន ១១១នាក់ផ្សេងទៀត វាបានបន្ថែមចំនួនអ្នកស្លាប់សរុបដល់ទៅ ៣៧,៨៧៧នាក់ និងរបួសដល់ទៅ ៨៦,៩៦៩នាក់ ចាប់តាំងពីជម្លោះប៉ាឡេស្ទីន និងអ៊ីស្រាអែលបានផ្ទុះឡើងក្នុងខែតុលា ឆ្នាំ២០២៣ ។
សាកសពជនរងគ្រោះជាច្រើននៅតែស្ថិតក្រោមគំនរបាក់បែក ឬនៅលើដងផ្លូវ នេះបើយោងតាមសេចក្តីថ្លែងការណ៍ ដែលត្រូវបានរាយការណ៍ដោយទីភ្នាក់ងារសារព័ត៌មានស៊ីនហួ។
នៅក្នុងសេចក្តីថ្លែងការណ៍ដាច់ដោយឡែកមួយកាលពីថ្ងៃអាទិត្យ អាជ្ញាធរសុខាភិបាលបានព្រមានថា មន្ទីរពេទ្យ មណ្ឌលសុខភាព និងស្ថានីយ៍អុកស៊ីហ្សែនដែលនៅសល់ក្នុងស្ទ្រីបនឹងឈប់ដំណើរការក្នុងរយៈពេល៤៨ម៉ោង ដោយសារការថយចុះនៃប្រេងឥន្ធនៈដែលត្រូវការសម្រាប់ដំណើរការម៉ាស៊ីនភ្លើង។
អ៊ីស្រាអែលបានបើកការវាយលុកទ្រង់ទ្រាយធំប្រឆាំងនឹងក្រុមហាម៉ាសនៅតំបន់ហ្គាហ្សាស្ទ្រីប ដើម្បីសងសឹកនឹងការវាយលុករបស់ក្រុមហាម៉ាស់ឆ្លងកាត់ព្រំដែនភាគខាងត្បូងអ៊ីស្រាអែលកាលពីថ្ងៃទី៧ ខែតុលា ឆ្នាំ២០២៣ ក្នុងអំឡុងពេលដែលមនុស្សប្រហែល ១,២០០នាក់ត្រូវបានសម្លាប់ និងប្រហែល ២៥០នាក់ផ្សេងទៀតត្រូវបានចាប់ធ្វើជាចំណាប់ខ្មាំង។
