យោធិនជួបការលំបាក តែងតែទទួលបានការយកចិត្តទុកដាក់ពីសំណាក់ លោកមេបញ្ជាការ ព្រមទាំងមិត្តរួមអាវុធតំបន់ប្រតិបត្តិការសឹករងបាត់ដំបង
ភ្នំពេញ៖ នៅថ្ងៃទី១ ខែកក្កដា ឆ្នាំ២០២៤ នៅទីបញ្ជាការ តំបន់ប្រតិបត្តិការសឹករងបាត់ដំបង លោកវរសេនីយ៍ឯក មាស ស៊ីធន់ មេបញ្ជាការរង នាយសេនាធិការ តំណាងលោកឧត្តមសេនីយ៍ត្រី ភើយ លំអង មេបញ្ជាការ តំបន់ប្រតិបត្តិការសឹករងបាត់ដំបង បាននាំយកថវិកាមិត្តរួមអាវុធ តំបន់ប្រតិបត្តិការសឹករងបាត់ដំបង ចំនួន ២.៣៥០.០០០រៀល ចូលរួមរំលែកមរណទុក្ខជាមួយ លោកវរសេនីយ៍ឯក សុខ ស៊ីថា មេបញ្ជាការរង តំបន់ប្រតិបត្តិការសឹករងបាត់ដំបង ដែលម្តាយបានទទួលមរណភាពដោយរោគាពាធ។
ក្នុងឱកាសនោះដែរ លោក សុខ ស៊ីថា បានគោរពថ្លែងអំណរគុណយ៉ាងជ្រាលជ្រៅជាទីបំផុត ជូនចំពោះ លោកមេបញ្ជាការ ព្រមទាំងថ្នាក់ដឹកនាំដែលតែងតែយកចិត្តទុកដាក់គិតគូដល់សុខទុក្ខរបស់យោធិន និងក្រុមគ្រួសារគ្រប់កាលៈទេសៈ។
លោកក៏បានគោរពជូនពរថ្នាក់ដឹកនាំ ព្រមទាំងនាយទាហាន នាយទាហានរង និងពលទាហានដែលជាមិត្តរួមអាវុធ តំបន់ប្រតិបត្តិការសឹករងបាត់ដំបង សូមមានសុខភាពល្អ និងសម្រេចជោគជ័យគ្រប់ភារកិច្ចដែលថ្នាក់លើប្រគល់ជូន ព្រមទាំងជួបប្រទ:ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
