រដ្ឋមន្ត្រីផែនការ សង្ឃឹមថា ពេលផ្លាស់ប្តូរឆ្នាំគោលថ្មី២០១៤ មន្ត្រីវិទ្យាស្ថានជាតិស្ថិតិ នឹងសហការជាមួយតួអង្គពាក់ព័ន្ធ សម្រេចបានលទ្ធផលល្អប្រសើរដូចការរំពឹងទុក

ភ្នំពេញ៖ ក្នុងឱកាសអញ្ជើញបើកសិក្ខាសាលាផ្សព្វផ្សាយស្តីពីលទ្ធផលចុងក្រោយការផ្លាស់ប្តូរឆ្នាំគោល គណនេយ្យជាតិឆ្នាំ២០១៤ នាថ្ងៃទី២ ខែកក្កដា ឆ្នាំ២០២៤ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ បានបង្ហាញក្ដីសង្ឃឹមយ៉ាងមុតមាំថា នៅ ពេលផ្លាស់ប្តូរឆ្នាំគោលថ្មី ២០១៤ ខាងមុខ មន្ត្រីវិទ្យាស្ថានជាតិស្ថិតិ នឹងសហការជាមួយតួអង្គពាក់ព័ន្ធ ដូចជាក្រសួងសេដ្ឋកិច្ចនិងហិរញ្ញវត្ថុ ធនាគារជាតិនៃកម្ពុជា បណ្តាក្រសួងស្ថាប័នក្នុងរាជរដ្ឋាភិបាលកម្ពុជា ស្ថាប័ន អប់រំ និង ស្រាវជ្រាវ សម្រេចបានលទ្ធផលល្អប្រសើរដូចការរំពឹងទុក។

ឯកឧត្ដមរដ្ឋមន្ត្រីបានមានប្រសាសន៍ថា កាលពីថ្ងៃទី១៥ ខែសីហា ឆ្នាំ២០២៣ ក្រសួងផែនការ និងក្រសួងសេដ្ឋកិច្ចនិង ហិរញ្ញវត្ថុ បានសហការរៀបចំសិក្ខាសិលាពិគ្រោះយោបល់ ដោយមានការចូលរួមពីក្រសួង ស្ថាប័ន ដៃគូ អភិវឌ្ឍ រាជបណ្ឌិត្យសភាកម្ពុជា ស្ថាប័នអប់រំ និងស្រាវជ្រាវ និងអ្នកជំនាញការពីស្ថាប័នស្ថិតិស៊ុយអែត និងមូលនិធិរូបិយវត្ថុអន្តរជាតិ ដើម្បីទទួលយកធាតុចូលសម្រាប់កែលម្អតួលេខ ផ.ស.ស. ឆ្នាំគោលថ្មី ឆ្នាំ២០១៤ ដោយអង្គសិក្ខាសាលានាពេលនោះបានឯកភាពទទួលយកលទ្ធផលនៃការផ្លាស់ប្តូរឆ្នាំគោលថ្មីនេះ។ ស៊េរីទិន្នន័យ ផ.ស.ស. ពីឆ្នាំ២០០០ ដល់ឆ្នាំ២០២២ ចុងក្រោយដែលផលិតដោយវិទ្យាស្ថានជាតិ ស្ថិតិត្រូវបានឯកភាពគ្នាក្នុងកម្រិតបច្ចេកទេស និងត្រូវបានដាក់ឆ្លងនៅក្នុងកិច្ចប្រជុំគណៈកម្មាធិការគោល នយោបាយសេដ្ឋកិច្ចនិងហិរញ្ញវត្ថុ ជាលើកទី២ កាលពីថ្ងៃទី២៦ ខែកុម្ភៈ ឆ្នាំ២០២៤ ដោយអាចទទួលយក បានទាំងកម្រិតបច្ចេកទេស និងកម្រិតនយោបាយ។

ក្នុងនាមក្រសួងផែនការ ឯកឧត្ដមរដ្ឋមន្ត្រី ពិតជាមានមោទនភាពចំពោះសមិទ្ធផលថ្មីៗដែលវិទ្យាស្ថានជាតិស្ថិតិសម្រេច បាននាពេលនេះ និងនាពេលកន្លងមកដូចជា៖ ជំរឿនសេដ្ឋកិច្ចឆ្នាំ២០១១, ជំរឿនកសិកម្មឆ្នាំ២០១៣, អង្កេតសេដ្ឋកិច្ចសង្គមកិច្ចឆ្នាំ២០១៤ និងការងារ និងសកម្មភាពស្ថិតិដទៃទៀតដែលទទួលបានការជួយ សម្របសម្រួល និងគាំទ្រពីតួអង្គស្នួលនៃបណ្តាក្រសួង ស្ថាប័ន ជាពិសេសការជួយឧបត្ថម្ភថវិកាពីរាជរដ្ឋាភិបា លកម្ពុជា តាមរយៈក្រសួងសេដ្ឋកិច្ចនិងហិរញ្ញវត្ថុ ក្នុងស្មារតីពពង្រឹងភាពម្ចាស់ការ និងអនុវត្តកំណែទម្រង់ស៊ី ជម្រៅ ក្រោមមាគ៌ាដឹកនាំដ៏ត្រឹមត្រូវនិងមោះមុតរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា ក្នុងការពង្រឹងប្រព័ន្ធស្ថិតិជាតិ ដែលជាច្រើនឆ្នាំកន្លងមកវិទ្យាស្ថាន ជាតិស្ថិតិពឹងផ្អែកស្ទើរតែទាំងស្រុងលើថវិកាដៃគូអភិវឌ្ឍ។ បច្ចុប្បន្ននេះសកម្មភាពស្ថិតិស្ទើរតែទាំងអស់របស់ វិទ្យាស្ថានជាតិស្ថិតិ អនុវត្តដោយថវិកាជាតិ និងដោយមន្ត្រីវិទ្យាស្ថានជាតិស្ទើរតែទាំងស្រុង។

ឯកឧត្ដមរដ្ឋមន្ត្រីសង្ឃឹមថា «នៅពេលផ្លាស់ប្តូរឆ្នាំគោលថ្មី ២០១៤ ខាងមុខ មន្ត្រីវិទ្យាស្ថានជាតិស្ថិតិ នឹងសហការជាមួយតួអង្គពាក់ព័ន្ធ ដូចជាក្រសួងសេដ្ឋកិច្ចនិងហិរញ្ញវត្ថុ ធនាគារជាតិនៃកម្ពុជា បណ្តាក្រសួងស្ថាប័នក្នុងរាជរដ្ឋាភិបាលកម្ពុជា ស្ថាប័ន អប់រំ និង ស្រាវជ្រាវ សម្រេចបានលទ្ធផលល្អប្រសើរដូចការរំពឹងទុក។
ការប្តូរឆ្នាំគោលគណនេយ្យជាតិ២០១៤ គឺជាកិច្ចការដ៏សំខាន់មួយរបស់វិទ្យាស្ថានជាតិស្ថិតិ នៃ ក្រសួងផែនការ ហើយលទ្ធផលដែលសម្រេចបាននេះ ដោយសារមានការឧបត្ថម្ភគាំទ្រពីរាជរដ្ឋាភិបាលកម្ពុជា តាមរយៈក្រសួងសេដ្ឋកិច្ចនិងហិរញ្ញវត្ថុ និងក្រសួងស្ថាប័នពាក់ព័ន្ធក្នុងរាជរដ្ឋាភិបាល ដោយមានការចង្អុល បង្ហាញផ្លូវប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងថ្នាក់ដឹកនាំក្រសួងទទួលបន្ទុក ព្រមទាំងការ គ្រប់គ្រង ដឹកនាំអនុវត្តធ្វើដោយនាយកដ្ឋានគណនេយ្យជាតិ នៃវិទ្យាស្ថានជាតិស្ថិតិ និងមានកិច្ចសហការ ជំនួយបច្ចេកទេសពីគណៈកម្មការសេដ្ឋកិច្ច និងសង្គមរបស់អង្គការសហប្រជាជាតិប្រចាំតំបន់អាស៊ី និងប៉ា ស៊ីហ្វិក UNESCAP ស្ថាប័នស្ថិតិប្រទេសស៊ុយអែត និងបានពិនិត្យបច្ចេកទេស និងគុណភាព ដោយមូលនិធិ រូបិយវត្ថុអន្តរជាតិ IMF សម្រេចបានលទ្ធផលចុងក្រោយនៃស៊េរីទិន្នន័យ ផ.ស.ស. ឆ្នាំ២០០០ ដល់ឆ្នាំ ២០២២ ប្រកបដោយជោគជ័យសម្រាប់ធ្វើការផ្សព្វផ្សាយនៅក្នុងសិក្ខាសាលានាពេលនេះ»។

ជាមួយគ្នានោះឯកឧត្ដម ប៊ិន ត្រឈៃ ក៏បានគោរពថ្លែងអំណរគុណយ៉ាងជ្រាលជ្រៅចំពោះ ឯកឧត្តមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ, ឯកឧត្តមកិត្តិសេដ្ឋាបណ្ឌិត ឆាយ ថន អតីតរដ្ឋមន្ត្រីក្រសួងផែនការ, ឯកឧត្តមបណ្ឌិត ផាន់ ផល្លា រដ្ឋលេខាធិការ នៃក្រសួងសេដ្ឋកិច្ចនិងហិរញ្ញវត្ថុ, ឯកឧត្តម ទេព ភិយ្យោរិន្ទ្រ អនុរដ្ឋលេខាធិការ នៃក្រសួងសេដ្ឋកិច្ចនិងហិរញ្ញវត្ថុ, ឯកឧត្តម អ៊ុង លុយណា អគ្គនាយក នៃអគ្គនាយកដ្ឋានគោលនយោបាយ នៃក្រសួងសេដ្ឋកិច្ចនិងហិរញ្ញវត្ថុ និងមន្ត្រីជំនាញ ឯកឧត្តម លោកជំទាវ ថ្នាក់ដឹកនាំ និងមន្ត្រីរាជការរបស់ក្រសួងផែនការក្រសួងសេដ្ឋកិច្ចនិងហិរញ្ញវត្ថុ ក្រសួងស្ថាប័ន ពាក់ព័ន្ធ ដែលបានដឹកនាំ សហការ និងចូលរួមក្នុងដំណើរការផ្លាស់ប្តូរឆ្នាំគោលនេះរហូតសម្រេចបាន ជោគជ័យ ៕