ឧត្ដមសេនីយ៍ឯក ជួន ណារិន្ទ បញ្ជាឱ្យកោះហៅ មន្រ្តីនគរបាលចរាចរណ៍ និងមន្រ្តីជាប់សន្យា ២រូប មកសួរនាំ

ភ្នំពេញ៖ ឯកឧត្តម ឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបញ្ជាឱ្យកោះហៅ មន្រ្តីនគរបាលចរាចរណ៍ និងមន្រ្តីជាប់សន្យា ២រូប មកសួរនាំ នៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បន្ទាប់ពីកើតមានការរិះគន់ យ៉ាងខ្លាំងទៅលើមន្រ្តីចរាចរណ៍ (ជាប់កិច្ចសន្យា) ១រូប ដែលឈរជើងនៅគោលដៅ ត្រង់ចំណុចស្តុបណតប្រ៊ីដ ឬស្តុប ២០០៤ ដែលបានទៅចាប់ទាញដងកញ្ចក់ម៉ូតូ របស់ក្មេងស្រីម្នាក់ បណ្តាលអោយដួល ហើយបែរជានាំគ្នាឈរមើល ក្នុងនោះក៏ឃើញមានមន្រ្តីប៉ូលិសចរាចរណ៍ ១រូប ក៏ឈរមើលដូចគ្នាផងដែរ។

លោកវរសេនីយ៍ឯក សំ វិច្ឆកា អ្នកនាំពាក្យស្នងការរដ្ឋាននគរបាលរាជធានីភ្នំពេញ នៅថ្ងៃទី២ ខែកក្កដា ឆ្នាំ២០២៤នេះ បានឲ្យដឹងថា មន្រ្តីទាំងពីរនោះ មន្រ្តីជំនាញកំពុងសួរនាំ និងរងចាប់បទបញ្ជាពីឯកឧត្តម ឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ដើម្បីអនុវត្តនីតិវិធី ៕