នាវិក Shenzhou-18 នឹងធ្វើសកម្មភាពក្រៅប្រព័ន្ធ លើកទី២

ប៉េកាំង៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២ ខែកក្កដាថា សមាជិកនាវិក Shenzhou-18 ដែលបច្ចុប្បន្នកំពុងស្ថិតនៅលើស្ថានីយអវកាសរបស់ប្រទេសចិន នឹងធ្វើសកម្មភាពក្រៅប្រព័ន្ធ (EVAs) លើកទី២ របស់ពួកគេ ក្នុងរយៈពេលប៉ុន្មានថ្ងៃខាងមុខនេះ។

ចាប់តាំងពីការបញ្ចប់ការដើរលើលំហដំបូងរបស់ពួកគេនៅថ្ងៃទី២៨ ខែឧសភា ក្រុមនាវិកបានបញ្ចប់ការងារដោយជោគជ័យ រួមទាំងការថែរក្សាបន្ទប់ពិសោធន៍ និងការដំឡើងសមាសធាតុ ការត្រួតពិនិត្យលក្ខខណ្ឌបរិស្ថាននៅក្នុងស្ថានីយអវកាស និងការរៀបចំសម្រាប់ EVAs ទីពីរ។

ពួកគេបានធ្វើឱ្យមានការវិវឌ្ឍជាលំដាប់ក្នុងការពិសោធន៍ក្នុងវិស័យដូចជា វិទ្យាសាស្ត្រសម្ភារៈអវកាស វិទ្យាសាស្ត្រជីវិតក្នុងលំហ និងវេជ្ជសាស្ត្រអវកាស។

CMSA បានឲ្យដឹងថានាវិក Shenzhou-18 មានសុខភាពល្អ ហើយការរួមបញ្ចូលស្ថានីយអវកាសដំណើរការយ៉ាងរលូន ដោយបង្ហាញពីលក្ខខណ្ឌល្អសម្រាប់ដំណើរការ EVAs។

ប្រទេសចិនបានបាញ់បង្ហោះយានអវកាស Shenzhou-18 កាលពីថ្ងៃទី២៥ ខែមេសា ដោយបានបញ្ជូនអវកាសយានិកបីនាក់គឺ Ye Guangfu, Li Cong និង Li Guangsu ទៅស្ថានីយអវកាសរបស់ខ្លួនសម្រាប់បេសកកម្មរយៈពេលប្រាំមួយខែ។