ប្រធានសមាគមអតីតយុទ្ធជនកម្ពុជាខេត្តកំពង់ធំ នាំយកថវិកាបេឡាមរណាង្គ្រោះ និងអំណោយដ៏ថ្លែថ្លារបស់សម្តេចធិបតី និងលោកជំទាវ ឧបត្ថម្ភជូនក្រុមគ្រួសារសពសពអតីតយុទ្ធជនពិការ នៅក្រុងស្ទឹងសែន

ភ្នំពេញ៖ នៅរសៀលថ្ងៃទី៤ ខែកក្កដា ឆ្នាំ២០២៤ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង ប្រធានសមាគមអតីតយុទ្ធជនកម្ពុជាខេត្តកំពង់ធំ អមដំណើរ ដោយលោក ពេញ កែម អភិបាលក្រុង និងជាប្រធានកិត្តិយស សមាគម អតីតយុទ្ធជនកម្ពុជា ក្រុងស្ទឹងសែន បានដឹកនាំសហការី ទៅចូលរួមក្នុងពិធីបុណ្យសព និងនាំយកនូវថវិកាបេឡាមរណសង្គ្រោះ ព្រមទាំងអំណោយមនុស្សធម៌របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ទៅចូលរួមឧបត្ថម្ភក្នុងពិធីបុណ្យសពលោកនាយឯក នុន ឈិត អតីតយុទ្ធជនពិការដោយសារ សង្គ្រាម ដែលបានទទួលក្នុងជន្មាយុ ៥៧ ឆ្នាំ ដោយ រោគាពាធ នៅ ភូមិ ព្រៃតាហ៊ូ សង្កាត់ ព្រៃ តា ហ៊ូ ក្រុងស្ទឹងសែន ខេត្ត កំពង់ ធំ ។

ឧត្តមសេនីយ៍ទោ សោម ស៊ុន រួមជាមួយគណៈកម្មាធិការសមាគមអតីតយុទ្ធជនក្រុងស្ទឹងសែន និងអាជ្ញាធរដែនដី បានថ្លែងនូវការ សោកស្ដាយ អាឡោះអាល័យ និង បាន គោរពបួងសួងដល់វិញ្ញាណក្ខន្ធលោកនាយឯក នុន ឈិត សូមបានទៅកាន់សុគតិភព កុំបីឃ្លៀងឃ្លាតឡើយ ហើយនិងបានជូនពរដល់ក្រុមគ្រួសារសព សូម មានសុខភាពល្អ ទទួលបាននូវសេចក្តីសុខ សេចក្តីចម្រើន និងត្រូវខិត ខំបង្កបង្កេីនផល ដាំដំណាំ ចិញ្ចឹមសត្វ ដើម្បីដោះស្រាយជីវភាពប្រចាំថ្ងៃ ។

នៅ ក្នុងពិធី បុណ្យ សព នេះ ឧត្តម សេនីយ៍ ទោ សោម ស៊ុន បានប្រគល់ជូននូវថវិកាបេឡាមរណសង្គ្រោះចំនួន៤លានរៀល ព្រមទាំងគ្រឿងឧបភោគបរិភោគមួយចំនួនទៀតរួម មាន អង្ករ ចំនួន ៥០ គីឡូ ក្រាម មីជាតិចំនួន ២កេស ទឹក ត្រី ទឹក ស៊ីអ៊ីវ ចំនួន ២យួរ ត្រី ខកំប៉ុង ចំនួន ២យួរ ដែលជាអំណោយមនុស្សធម៌របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ផងដែរ។

លោក ពេញ កែម អភិបាល ក្រុង និងជាប្រធានកិត្តិយសសមាគមអតីតយុទ្ធជន ក្រុងស្ទឹងសែន តំណាង ឱ្យ ក្រុម គ្រួសារ សព បាន សូម គោរព ថ្លែង អំណរគុណ ដី ជ្រាលជ្រៅ ជាទី បំផុត ចំពោះ សម្តេច មហា បវរ ធិបតី ហ៊ុន ម៉ាណែត និង លោក ជំទាវ បណ្ឌិត ពេជ ចន្ទមុន្នី និងឧត្តម សេនីយ៍ ទោ សោម ស៊ុន ព្រមទាំង ក្រុម ការងារ សមាគម អតីត យុទ្ធ ជន កម្ពុជា ខេត្ត កំពង់ធំ ដែល បាន យកចិត្តទុកដាក់ បម្រើ បងប្អូន អតីត យុទ្ធ ជន នៅ ក្នុង ខេត្តកំពង់ធំ ដោយ អស់ ពី ចិត្ត ពី ថ្លើម និង សូមគោរព ជូន ពរ សម្តេច និង លោកជំទាវ ព្រមទាំង ឯកឧត្តម អស់ លោក ទាំង អស់ សូម ទទួល បាន នូវ ពុទ្ធ ពរ ទាំង បួន ប្រការ កុំបី ឃ្លៀង ឃ្លាត ឡើយ ៕