កម្មវិធី«ប្រយោគបុរាណចិនដែលលោក Xi Jinping ចូលចិត្ត»រដូវកាលទី៣ បកប្រែជាភាសា

Tajik ចាក់ផ្សាយនៅតាមប្រព័ន្ធសារព័ត៌មានសំខាន់ៗរបស់ប្រទេសតាជីគីស្ថាន

ក្នុងខណៈពេលដែលលោក Xi Jinping ប្រធានរដ្ឋចិនបំពេញទស្សនកិច្ចផ្លូវរដ្ឋនៅប្រទេសតាជីគីស្ថាន ពិធីចាក់ផ្សាយនូវកម្មវិធី«ប្រយោគបុរាណចិនដែលលោក Xi Jinping ចូលចិត្ត» រដូវកាលទី៣ បកប្រែជាភាសា Tajik ដែលផលិតដោយអគ្គស្ថានីយវិទ្យុនិងទូរទស្សន៍មជ្ឈិមចិនបានធ្វើឡើងនៅក្រុង Dushanbe ប្រទេសតាជីគីស្ថាននៅថ្ងៃទី ៥ខែកក្កដា ។ ចាប់ពីថ្ងៃនេះតទៅ កម្មវិធីនេះនឹងចាក់ផ្សាយតាមប្រព័ន្ធសារព័ត៌មានសំខាន់ៗរបស់ប្រទេសតាជីគីស្ថាន ។
លោក Shen Haixiong អនុរដ្ឋមន្រ្តីនៃក្រសួងឃោសនាការនៃគណៈកម្មាធិការមជ្ឈិមបក្សកុម្មុយនីស្តចិននិងជាអគ្គនាយកនៃអគ្គស្ថានីយវិទ្យុនិងទូរទស្សន៍មជ្ឈិមចិនបានថ្លែងថា កម្មវិធី«ប្រយោគបុរាណចិនដែលលោក Xi Jinping ចូលចិត្ត»រដូវកាលទី៣ បកប្រែជាភាសា Tajik បានជ្រើសរើសប្រយោគល្អៗដកស្រង់ពីសៀវភៅបុរាណចិនក្នុងសុន្ទរកថា អត្ថបទនិងអនុសាសន៍សំខាន់ៗរបស់លោកប្រធានរដ្ឋចិន Xi Jinping ដែលបានបង្ហាញពីគ្រឹះវប្បធម៌ដ៏ជ្រាលជ្រៅ និងមនោសញ្ចេតនាស្នេហាជាតិដែលតម្កល់ទុកប្រជាជនជាចម្បង និងការគិតគូរដល់ផលប្រយោជន៍រួមនៃពិភពលោករបស់លោក Xi Jinping ។ ជឿជាក់ថា មិត្តតាជីគីស្ថានអាចឈ្វេងយល់ពីមូលដ្ឋានគ្រឹះវប្បធម៌របស់លោក Xi Jinping សម្រាប់អភិបាលកិច្ចជាតិ អាចឈ្វេងយល់ពីប្រភពតម្រិះប្រាជ្ញានៃការអភិវឌ្ឍរបស់ប្រទេសចិនក្នុងយុគសម័យថ្មី ។
លោកស្រី Sattoriyon រដ្ឋមន្រ្តីក្រសួងវប្បធម៌តាជីគីស្ថានបានថ្លែងថា ពេលអនាគតក្រសួងវប្បធម៌តាជីគីស្ថាននឹងបន្តជំរុញកិច្ចសហប្រតិបត្តិការផ្នែកការផ្លាស់ប្តូរប្រជាជននិងប្រជាជនចិននិងតាជីគីស្ថាន ដើម្បីធ្វើឱ្យចំណងមិត្តភាពរវាងប្រទេសទាំងពីអស់រយៈពេលពាន់ឆ្នាំមានភាពត្រចះត្រចង់ក្នុងយុគសម័យថ្មី៕