ធនាគារអភិវឌ្ឍន៍ជនបទ និងកសិកម្ម រៀបចំកិច្ចប្រជុំបូកសរុបលទ្ធផលការងារឆមាសទី១ និងទិសដៅការងារសម្រាប់ឆមាសទី២ ឆ្នាំ២០២៤

ភ្នំពេញ៖ នាថ្ងៃទី១១ ខែកក្កដា ឆ្នាំ២០២៤ ធនាគារអភិវឌ្ឍន៍ជនបទ និងកសិកម្ម (ARDB) បានរៀបចំកិច្ចប្រជុំបូកសរុបលទ្ធផលការងារឆមាសទី១ និងទិសដៅការងារសម្រាប់ឆមាសទី២ ឆ្នាំ២០២៤ នៅក្រុងកំពត ក្រោមអធិបតីភាពដ៏ខ្ពង់ខ្ពស់ របស់ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជា អគ្គនាយកធនាគារ ARDB។

ក្នុងដំណើរការនៃកិច្ចប្រជុំបូកសរុបនេះ តំណាងនៃនាយកដ្ឋាន អង្គភាព និងគណៈកម្មការទាំងអស់របស់ធនាគារបានរាយការណ៍នូវលទ្ធផល និងវឌ្ឍនភាពការងារឆមាសទី១ និងទិសដៅការងារឆមាសទី២ឆ្នាំ២០២៤។

ឯកឧត្តមបណ្ឌិត កៅ ថាចប្រតិភូរាជរដ្ឋាភិបាលទទួលបន្ទុកអគ្គនាយកធនាគារ ARDB បានផ្តល់នូវអនុសាសន៍ណែនាំដ៏មានតំលៃ និងជំរុញលើកទឹកចិត្តដល់ថ្នាក់ដឹកនាំគ្រប់នាយកដ្ឋាន អង្គភាព គណកម្មការ បន្តពង្រឹងការអនុវត្តការងារ ដើម្បីសម្រេច បានទិសដៅ នាឆមាសទី២ ជាបន្តទៀតប្រកបដោយលទ្ធផលផ្លែផ្កា៕