លោក Trump ត្រូវបានខ្មាន់កាំភ្លើងធ្វើសកម្មភាពបាញ់ប្រហារ នៅទីក្រុង Butler
បរទេស៖ អតីតប្រធានាធិបតីអាមេរិក និងជាបេក្ខជនជួរមុខនៃគណបក្សសាធារណរដ្ឋ លោក Donald Trump បានរួចផុតពីការប៉ុនប៉ងធ្វើឃាត ក្នុងអំឡុងពេលការប្រមូលផ្តុំយុទ្ធនាការឃោសនាបោះឆ្នោត នៅទីក្រុង Butler រដ្ឋ Pennsylvania កាលពីថ្ងៃសៅរ៍។
ការបាញ់ប្រហារនេះ ខណៈពេលដែលលោក Trump កំពុងថ្លែងសុន្ទរកថានៅចំពោះមុខក្រុមអ្នកគាំទ្រ។ គ្រាប់កាំភ្លើងមួយគ្រាប់បានបាញ់ចំត្រចៀកស្ដាំរបស់លោក Trump ហើយលោក Trump ត្រូវបានបញ្ជូនទៅមន្ទីរពេទ្យក្បែរនោះ។ ក្រោយមកលោកបានបញ្ជាក់ក្នុងសេចក្តីថ្លែងការណ៍មួយថាលោកមិនអីទេ។
សេវាសម្ងាត់បានរាយការណ៍ថា ជនសង្ស័យបាញ់ប្រហារ និងសមាជិកនៃទស្សនិកជនម្នាក់ត្រូវបានសម្លាប់។ អ្នកទស្សនាពីរនាក់បានរងរបួសយ៉ាងធ្ងន់ធ្ងរ។ កាំភ្លើងមួយដើមត្រូវបានគេរកឃើញនៅកន្លែងកើតហេតុនៃការបាញ់ប្រហារ ហើយមិនទាន់មានព័ត៌មានអំពីអត្តសញ្ញាណអ្នកបាញ់ប្រហារនៅឡើយទេ។
លោកប្រធានាធិបតី Biden បបានឲ្យដឹងថា លោកកំពុងបន់ស្រន់ឲ្យលោក Trump ធូរស្បើយ ហើយបានអះអាងថា គ្មានកន្លែងសម្រាប់អំពើហិង្សាដែលមានហេតុផលនយោបាយនៅក្នុងសហរដ្ឋអាមេរិកឡើយ។ The Guardian បានសរសេរថា គណបក្សសាធារណរដ្ឋមួយចំនួនបានចោទប្រកាន់វោហាសាស្ត្ររបស់គណបក្សប្រជាធិបតេយ្យថាបានរៀបចំលក្ខខណ្ឌសម្រាប់ការបាញ់ប្រហារ។
ទោះបីជាមានការវាយប្រហារក៏ដោយ អតីតប្រធានាធិបតីរូបនេះបានបញ្ជាក់ថា លោកនឹងចូលរួមសន្និបាតជាតិរបស់សាធារណរដ្ឋនៅទីក្រុង Milwaukee ៕
